Panahon sa Pagpakigbahin
Pundasyon alang sa Kalipay
“Ang malampuson … nga mga pamilya natukod ug napadayon diha sa mga baruganan sa hugot nga pagtuo, pag-ampo, paghinulsol [ug] pagpasaylo” (“Ang Banay: Usa ka Pamahayag ngadto sa Kalibutan”).
Ang usa ka pundasyon naghatag og sigurado, lig-on nga sukaranan diin ang usa ka butang mahimong tukuron. Kadaghanan sa mga bilding ug mga panimalay gitukod diha sa mga pundasyon.
Kon ang mga Santos sa Ulahing mga Adlaw nagsugod sa pagtukod sa pundasyon sa Templo sa Salt Lake, naggamit sila og mga hut-ong sa sandstone blocks. Naabtan sila og lima ka mga tuig sa pagtukod sa walo ka pye nga giladmon (2.4 cm) nga pundasyon. Sa dihang ilang nadunggan nga ang mga sundalo moabut, gitabunan sa mga Santos ang pundasyon og yuta aron matago kini. Sa dihang gikuha na ang gitabon nga yuta, nakita nga ang pundasyon adunay liki ug nairog. Ang mga Santos nasayud nga ang liki nga pundasyon dili makasuporta sa templo. Mao nga ilang gikuha ang sandstone nga pundasyon ug giilisan kini sa dagko nga mga granite block. Sa dihang ang lig-on nga pundasyon napahimutang na, ang mga trabahante nagsugod sa pagtukod sa mga bong-bong sa templo.
Sama nga ang templo nagkinahanglan og lig-on nga pundasyon nga granite, kamo ug ang inyong pamilya nagkinahanglan usab og lig-on nga pundasyon nga katukuran. Ang Ginoo miingon, “Pagtukod diha sa akong lig-on nga sukaranan, nga mao ang akong ebanghelyo” (D&P 11:24). Ang ebanghelyo ni Jesukristo naglakip sa hugot nga pagtuo, pag-ampo, paghinulsol, ug kapasayloan. Ang pagtukod niini nga mga baruganan makahatag kaninyo og lig-on nga pundasyon aron sa pagtabang kaninyo ug sa inyong pamilya nga mobarug nga malig-on.
Kalihokan
Tangtanga ang pahina H14 gikan sa magasin. Guntinga ang mga kard. Ibutang ang mga kard sa litrato sa usa ka hapnig ug ang mga kard sa pulong sa laing hapnig. Pagkuha og usa ka kard gikan sa kada hapnig. Kon ang mga kard magkapareha, sulti kon unsaon ninyo pagtabang ang inyong pamilya sa pagbuhat niana nga butang, ug dayon tipigi ang mga kard. Kon ang mga kard wala magkapareha, pagsugod og dugang duha ka mga hapnig alang sa wala magkapareha nga mga kard. Ipadayon ang pagdula, pakuhaon og mga kard ang kada tawo. Kon ang unang duha ka mga hapnig nahurot na, saksaka ang ikaduhang hapnig ug padayon sa pagdula hangtud nga ang tanang kard magkapareha na.
Mga Ideya sa Panahon sa Pagpakigbahin
-
Ang hugot nga pagtuo diha sa Ginoo nga si Jesukristo nakapalig-on kanako ug sa akong pamilya. Tabangi ang mga bata nga makasag-ulo sa “Kon kamo adunay hugot nga pagtuo kamo molaum sa mga butang nga dili makita, diin mga tinuod” (Alma 32:21). Ipakita ang Pakete sa Mga Hulagway sa Ebanghelyo 240 (Jesus ang Kristo), ug ipasabut nga ang pagbaton og hugot nga pagtuo diha kang Jesukristo nagpasabut nga bisan og wala kita makakita Kaniya, kita mituo nga Siya buhi. Misalig kita Kaniya ug naningkamot sa pagsunod sa Iyang mga sugo. Sa dili pa ang panahon sa pagpakigbahin, pangita og mga istorya sa kasulatan ug mga litrato nga naghulagway kon sa unsang paagi nga ang hugot nga pagtuo diha kang Jesukristo mitabang sa mga tawo nga makasunod sa mga sugo sa malisud nga mga sitwasyon. Pananglitan: Pakete sa Mga Hulagway sa Ebanghelyo 102 (Pagtukod sa Arka), 112 (David Mipatay ni Goliath), 114 (Daniel Nagdumili sa Pagkaon ug Bino sa Hari), 125 (Ester), 210 (Jesus ug ang mga Mananagat), 301 (Ang Pamilya ni Lehi Mibiya sa Jerusalem), 313 (Duha ka Libo nga mga Batan-ong Manggugubat). Hatagi ang kada klase og usa ka litrato, ug dapita ang mga magtutudlo sa pag-istorya sa mga istorya, ipasabut og maayo kon giunsa pagpakita sa mga tawo ang ilang hugot nga pagtuo. Pahunahunaa ang kada usa sa klase og usa ka sitwasyon nga ilang giatubang diin sila nagkinahanglan og hugot nga pagtuo. Hangyoa sila sa paghisgut kon sa unsang paagi nga ang hugot nga pagtuo kang Jesukristo makatabang kanila niana nga sitwasyon. Dapita ang kada usa sa klase sa pagpakigbahin sa istorya sa kasulatan ug sa ilang sitwasyon karon. Kantaha ang “I’ll Follow Him in Faith” (Liahona, Peb. 2003, H16).
-
Ang pag-ampo makapalig-on kanako ug sa akong pamilya. Ipakita sa mga bata ang usa ka gamay nga de kuryente nga kagamitan o usa ka litrato niini. Ipasabut nga kini makakuha lamang og kuryente kon kini ikonektar ngadto sa tinubdan sa kuryente. Sultihi ang mga bata nga kita kinahanglan nga makonektar ngadto sa usa ka “tinubdan nga gahum” aron makadawat og espirituhanon nga gahum. Ang Langitnong Amahan mao ang atong tinubdan sa espirituhanon nga gahum, ug kita makonektar ngadto Kaniya pinaagi sa pag-ampo. Gikan sa mga pakete sa litrato sa Primary, ipakita ang litrato 7-13 (batang lalaki nga nag-ampo) o 1-9 (batang babaye nga nag-ampo), ug itudlo nga kita makaampo sa Langitnong Amahan aron sa pagtabang kanato sa atong mga problema ug mga desisyon. Isugilon ang istorya ni Mosiah nga nag-ampo alang sa panabang aron makahibalo kon iya bang tugutan ang iyang anak nga mga lalaki nga mosangyaw ngadto sa mga Lamanite (tan-awa sa Mosiah 28:1–6). Hangyoa ang mga bata nga magtinabangay sa pagpangita sa mga tubag sa Ginoo sa bersikulo 7. Isugilon ang istorya ni Joseph Smith nga nag-ampo aron makahibalo unsa nga simbahan ang apilan (tan-awa sa Joseph Smith—Kasaysayan 1:7–18). Hangyoa og usab ang mga bata nga magtinabangay sa pagpangita sa tubag sa Ginoo sa bersikulo 19. Pagpakigbahin og personal nga kasinatian ug sa imong pagpamatuod kon sa unsang paagi nga ang imong mga pag-ampo gitubag. Dapita ang mga bata sa paghimo sa ilang mga personal nga pag-ampo kada adlaw niini nga semana.
Mga paghulagway pinaagi ni Beth M. Whittaker
Basaha ang mga kasulatan
Pag-ampo
Trabaho
Pagdula
Pagserbisyo
Pagsimba
Family Home Evening
Tingkaon