Dali Paminaw sa Tingog sa usa ka Propeta

Pila ka mga Tawo ang Atong Matabangan?

Ni Presidente Thomas S. Monson

Gikan sa pakigpulong nga gihatag ngadto sa Coalition for Utah’s Future, Common Good Awards Luncheon, Okt. 25, 2000.

Si Presidente Monson miingon nga daghang mga tawo sa kalibutan nagkinahanglan og tabang. Miingon siya nga ang Langitnong Amahan buot nga kita makamatikod kanila ug tan-awon kon pila ang atong matabangan.

Kon kita adunay mga mata nga makakita ug mga dunggan nga makadungog ug mga kasingkasing nga makahibalo ug mobati, kita makahibalo sa mga panginahanglan sa atong isig ka tawo kinsa nagsinggit og panabang.

Unsaon nila sa pagkaon—kon walay pagkaon? Unsaon nga sila moinit—kon walay sinina? kon walay kapasilongan? Unsaon nila sa pagpakabuhi—kon walay pangita? Unsaon nila sa pagkaayo— kon walay mga doktor, mga tambal, ug mga ospital?

Ako nagtuo nga kon kita moatubang sa atong Magbubuhat, kita pangutan-on, “ Pila ka mga tawo ang inyong natabangan?”

Ipahaum ang matag tawo kinsa nagkinahanglan og tabang sa pipila ka mga butang nga tingali gikinahanglan sa tawo.

Mga Tawo nga Nagkinahanglan og Tabang

Mga Butang nga Gikinahanglan sa mga Tawo

Pagtabang Duol sa Panimalay

Bisan pila pay inyong edad, kamo makahimo og daghan aron sa pagtabang sa mga tawo nga inyong nailhan. Inyong mahupay ang inyong mga igsoon kon siya mibati og kasuko. Inyong maiimbitar ang usa ka tawo sa pagpakigdula kinsa mibati nga walay labut, o kamo makatabang sa inyong mga ginikanan nga dili na kinahanglang hangyoon pa. Ang mga ginagmay nga paagi sa pagtabang magkadako gayud!

Si Presidente Monson ug ang Dakong Depresyon

Si Presidente Thomas S. Monson natawo niadtong 1927. Sa dihang nag-edad siya og duha ka tuig, ang Dakong Depresyon nagsugod. Daghang mga tawo naglisud sa pagpangita og trabaho. Lisud alang kanila ang pagpangita og igong kwarta nga ipalit og pagkaon. Ang ubang mga amigo ni Presidente Monson walay mga baga nga sinina sa tingtugnaw o igong pagkaon nga makaon.

Sa panahon sa Dakong Depresyon, daghang mga tawo ang mibiyahe sa tibuok Estados Unidos sakay sa tren nangita og mga trabaho. Ang balay ni Presidente Monson duol sa agianan sa tren. Usahay ang mga lalaki manaog sa tren ug manuktok sa pultahan sa luyo sa balay sa mga Monson aron mangayo og pagkaon. Ang inahan ni Presidente Monson mohatag kanila kanunay og makaon. Sugoon usab niya ang iyang anak nga lalaki sa pagdala og plato sa mainit nga pagkaon ngadto sa pobre nga silingan.

Ang Dako nga Depresyon natapos niadtong 1939, sa dihang si Presidente Monson nag-edad og 12 anyos.

Nahibalo Ka Ba?

Sama sa inahan ni Presidente Monson nga mitabang sa mga panginhanglan sa katawhan daghang mga tuig na ang milabay, ang mga bata ug mga hamtong karon makatabang usab sa mga tawo pinaagi sa paghatag sa mga donasyon ngadto sa Simbahan alang sa Church humanitarian aid. Inyong mabutang ang inyong donasyon sa samang sobre sa ikapulo nga inyong ihatag sa inyong bishop o sa branch president. Kini nga kwarta itabang sa mga tawo sa tibuok kalibutan. Niadtong 2007 ang Simbahan mihatag og hinabang ngadto sa mga upat ka milyon ka mga tawo sa 85 ka mga nasud. Ania ang pipila ka mga paagi giunsa sa pagtabang sa Simbahan:

Mga suplay nga pang-emerhensya—45 ka mga nasud

Tabang sa linog—5 ka mga nasud

Tabang sa baha ug bagyo—34 ka mga nasud

Tabang sa sunog—6 ka mga nasud

Limpyo nga tubig—25 ka mga nasud

Mga wheelchair—60 ka mga nasud

Mga antiyohos—11 ka mga nasud

Bakuna sa tipdas alang sa mga bata—10 ka mga nasud

Pagbansay aron sa pagtabang sa mga doktor ug mga nars alang sa pag-atiman sa mga masakiton nga bag-ong natawo—23 ka mga nasud

Mga Paghulagway pinaagi ni Adam Koford; litrato ni Presidente Monson pinaagi ni Craig Dimond