2011
Ko e Hā Hono Lahi Hoʻo ʻIlo ki he Kau Taki Hotau Siasí?
Māʻasi 2011

Ko e Hā Hono Lahi Hoʻo ʻIlo ki he Kau Taki Hotau Siasí?

ʻOku hanga mai e konifelenisi lahí he māhina ka hokó, pea ko e tokolahi ʻo e kau leá ko e kau mēmipa ʻo e Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá. Sio angé pe te ke lava ʻo fakatauhoa honau hingoá mo e ngaahi meʻa naʻe hoko pe ngaahi fakamatala kehe mei heʻenau moʻuí.

  1. Palesiteni Tōmasi S. Monisoni

  2. Palesiteni Henelī B. ʻAealingi

  3. Palesiteni Tieta F. ʻUkitofa

  4. Palesiteni Poiti K. Peeka

  5. ʻEletā L. Tomu Peuli

  6. ʻEletā Lāsolo M. Nalesoni

  7. ʻEletā Tāleni H. ʻOakesi

  8. ʻEletā M. Lāsolo Pālati

  9. ʻEletā Lisiate G. Sikoti

  10. ʻEletā Lōpeti D. Heili

  11. ʻEletā Sefilī R. Hōlani

  12. ʻEletā Tēvita A. Petinā

  13. ʻEletā Kuenitini L. Kuki

  14. ʻEletā D. Toti Kulisitofasoni

  15. ʻEletā Niila L. ʻEnitasoni

  1. ʻI heʻene kei talavoú, naʻá ne manako he vaʻinga venipoló, ko hano fakafoʻou ia ʻo e volipoló.

  2. ʻOku hingoa tatau e takimuʻa ko ʻení mo ʻene tamaí pea ʻoku ʻiloa ia ʻi hono fāmilí mo e kaungāmeʻa ofí ko Hala.

  3. ʻI he kei tīkoni ʻa e ʻAposetolo ko ʻení, ne ʻave ia ʻe heʻene tamaí, ko ha tangata tāvalivali, ki he Vao ʻAkau Tapú. ʻI heʻena foki pē ki ʻapí ne tā ʻe heʻene tamaí ha fakatātā ʻo e Vao ʻAkau Tapú maʻana. Talu mei ai mo hono tautau ʻe he ʻAposetoló ni e tāvalivalí ʻi hono ʻōfisí ko ha fakamanatu ʻo e ʻaʻahi makehe ko iá.

  4. ʻI hono taʻu nimá, ne hiki hono fāmilí ki ha faama pulu ʻi Pokatelo, ʻAitahō ʻi ʻAmelika, ʻo ne tauhi ai ha fanga lāpisi, heka hoosi mo vaʻinga mo e toenga ʻo ʻenau fānaú he ngaahi ngoueʻangá.

  5. Ko e mēmipa pē ia ʻe taha ʻo e Kau Palesitenisī ʻUluakí pe Kōlomu ʻo e Kau ʻAposetolo ʻe Toko Hongofulu Mā Uá naʻe fāʻeleʻi ʻi ha feituʻu mavahe mei he ʻIunaiteti Siteití.

  6. Naʻá ne hoko ko e palesiteni ʻo e kalasi hongofulu mā uá mo kau ʻi he tipeití ʻi heʻene ʻi he akoʻanga māʻolungá.

  7. Ko ha taha manako he ʻatelitá talu mei heʻene kei siʻi, maʻu hono fakaʻilonga ʻi he ʻakapulú, pasiketipoló, lelé, mo e peisipoló ʻi he akoʻanga māʻolungá peá ne hoko ko ha mēmipa ʻo e timi ʻakapulu mo e pasiketipolo hau ʻa e siteití.

  8. Naʻá ne veimau mo hono kiʻi fohá he meimei pō kotoa. Ko e manatu ʻeni hono fohá ki aí, “Te ma veimau tuʻo tolu. Te ne tuku ke u mālohi ʻi he taha, peá ne mālohi ʻiate au ʻi he taha, pea ma toki veimau foaki leva, pea naʻe ʻikai ha taha ia ʻe mālohi.”

  9. Naʻá ne ngāue ki hono fonuá ʻi heʻene hoko ko ha pailate ʻi he Tau Lahi Hono II ʻa Māmaní ʻi hono taʻu 20.Ng

  10. Naʻá ne ngāue ʻi ha vaka toutai tofe ke maʻu ha paʻanga ke hū ki he kolisí. Ne manukiʻi ia ʻe he kau toutai kehé ʻi he ʻikai ke ne inu kava mālohí, ʻo aʻu ki he tō ʻa ha tangata ki tahi; tupu mei he tukupā ʻa e ʻAposetoló ni ke ʻoua ʻe inu kava mālohí, naʻe ʻikai ke ne konā pea fekauʻi ai ia ke ne fakahaofi e tangata ne tō ki tahí.

  11. Naʻá ne ngāue ko e tokotaha fakamafola lea he letioó lolotonga ʻene ako he kolisí.

  12. Naʻá ne hoko ko e palesiteni ʻo e Kolisi Likí (Ricks) kimuʻa hono uiuiʻi ki he Kōlomu ʻo e Kau ʻAposetolo ʻe Toko Hongofulu Mā Uá, peá ne tokoni ki hono liliu ki he ʻUnivēsiti Pilikihami ʻIongi–ʻAitahoó.

  13. Naʻá ne fakahoko ha tafa mafu kia Palesiteni Sipenisā W. Kimipolo (1895–1985) kimuʻa siʻi pē pea hoko ʻa Palesiteni Kimipolo ko e Palesiteni ʻo e Siasí.

  14. Ko e palesiteni fakamisiona ʻa e ʻAposetolo ko ʻení ʻi ʻĀsenitiná ko ʻEletā Sikoti.

  15. Kimuʻa pea uiuiʻi ko ha Taki Māʻolungá, naʻá ne ngāue ʻi he pisinisi meʻalele ʻo hangē pē ko ʻene tamaí.