ʻOku sai pē nai ke ui e kau taki ʻo e Siasí ʻaki honau hingoa ʻuluakí?

Ko e taimi ʻe niʻihi ʻoku tau fuʻu ofi ki hotau kau takí, pea ʻahiʻahiʻi kitautolu ke tau fakaʻapiʻi ʻetau fetuʻutaki mo kinautolú. Neongo ʻoku lelei ke anga fakakaumeʻa, ka ʻoku mahuʻinga foki ke fakahā ʻa e fakaʻapaʻapa totonú kiate kinautolu mo honau ngaahi uiuiʻí. ʻOku anga ʻaki ʻi he Siasí ke ui ʻa e kakai lalahí ko e “Brother,” pe “Sister,” ko ha fakafeʻiloaki ʻokú ne fakatou fakahā ʻa e fakaʻapaʻapa mo hono fakamanatu mai ko e fānau kitautolu ʻa e Tamai Hēvaní. ʻOku toe fakaʻaongaʻi foki e ngaahi hingoa hangē ko e ʻeletā, pīsope, pe palesiteni, ko ha fakaʻilonga ʻo e fakaʻapaʻapá. ʻOku tā ʻe he kau faifekau taimi kakató ha sīpinga lelei ki heni ʻaki ʻenau ui kinautolu ko e “ ʻEletā” pe “Sisitā.”

ʻOku mahuʻinga ke tau fakaʻapaʻapaʻi hotau kau taki faka-Siasí pea manatuʻi neongo ko hotau ngaahi kaungāmeʻa kinautolu, ka ʻoku totonu ke tau fakaʻapaʻapaʻi honau uiuiʻí mo kinautolu ʻaki ʻetau ui kinautolu ko e “Brotherʻ pe “Sister.”