Wiik in Ijtō
Komaron̄ kōppopo n̄an Ijtō kōn katak kōn ta eo eaar waļo̧k ilo wiik eo m̧okta jān an Jisōs Kraist kar Debwāāl im Jerkakpeje. Jino ralitōk raan m̧okta jān Ijtō, riiti m̧akūtkūt ko im eoon ko an jeje ko rekwojarjar kar kōllaajraki n̄an kajjojo raan.
Jādede
Juon raan in kakkūje aorōk kar ņa etan Kwojkwoj in kijone eo eaar jijno wōt raan ettoļo̧k. Elōn̄ armej raar itok n̄an Jerusalem bwe ren maron̄ leļo̧k katok ko aer ilo tampeļ eo ilo raan jab in. Jisōs eaar etetal ļo̧k n̄an Bethany, juon bukōn ebaake Jerusalem. Eaar pād ijo ium̧win ļalem bon̄ ippān ro M̧ōttan Lazarus, Mary, im Martha. Mary eaar kapit Neej kōn wāeļ.
Lale Jon 12:1–3.
Jabōt
Jisōs eaar etetal ļo̧k jān Bethany n̄an Jerusalem. Eaar iuwe ļo̧k n̄an jikin kweilo̧ eo ioon juon tan̄ki, āinwōt an juon eoon ilo Kalim̧m̧ur M̧okta eaar ba Enaaj kar. Armej ro raar kile E āinwōt kiin̄ eo aer, raar lam̧ōj, “Hosanna,” im likūt būlkōn wōjke baam̧ ko im̧aan tan̄ki eo n̄an dāpij būn̄al jān an peļļo̧k n̄an ioon Rilo̧mo̧r eo. Jisōs eaar loļo̧k tampeļ eo innām bar rool n̄an Bethany.
Lale Zechariah 9:9; Matu 21:1–11; Mark 11:1–11.
M̧ande
Jisōs eaar lo armej ro wia im wia kake men ko ilo tampeļ eo. Kōnke Eaar kōņaan tampeļ eo n̄an juon “im̧ōņ jar,” Eaar kōm̧m̧an bwe ren em̧m̧akūt. Innām Eaar kemour armej ro me raar ajikukkuk ak pilo. Pris ro rebanban raar illu Ippān.
Lale Matu 21:12–17; Mark 11:15–19.
Juje
Jisōs eaar katakin armej ro ilo tampeļ eo im ioon juon bat ebaake kar ņa etan Toļ Olives.
Pris ro raar ļōmņak in kar m̧an Jisōs. Juon iaan rikaļoor ro An, Judas Iscariot, eaar errā n̄an leļo̧k Jisōs n̄an ippān pris ro n̄an jānij n̄an 30 jāān jelba.
Lale Matu 25:31–46; 26:14–16.
Wōnje
Jeje ko rekwojarjar rejjab ba ta eo Jisōs eaar kōm̧m̧ane ilo rainin. Emaron̄ in kar joļo̧k raan eo ippān rikaļoor ro An. Komaron̄ riiti būrabōļ eo kōn bōjin ro jōn̄oul, juon bwebwenato Jisōs eaar katakin rikaļoor ro An n̄an jipan̄ er kōppopo n̄an Itok eo An Kein Karuo.
Lale Matu 4:1–11.
Taije
Rikaļoor ro an Jisōs raar pojak n̄an m̧ōn̄ā in Kwojkwoj in kijoone eo. Ilo iien m̧ōn̄ā eo, Jisōs eaar jiron̄ rikaļoor ro an bwe juon iaer enaaj kar liakeļo̧k E. Innām, n̄an jipan̄ er kememej E, Eaar leļo̧k n̄an er kwojkwoj eo ej kab kein kajuon. Jisōs eaar etal n̄an Jikin Kallib Gethsemane n̄an en̄taan kōn jerawiwi ko ad im n̄an jar n̄an Anij. Armej ro raa itok kōn jāje ko im kar kalbuuj E. Rikaļoor ro raar ko kōn mijak.
Lale Matu 26:17–29, 36–56.
Bōļaide
Kar bōkļo̧k Jisōs n̄an pris eo eutiej, Caiaphas. Pita rikaļoor eo an Jisōs eaar karmejete bwe eaar jeļā Kajien. Jisōs kar kajjitūkini jān kabna eo, Pilate, im jān Herod. Kar liakeļo̧k E n̄an mej ioon debwāāl eo. Kar debwāāle Jisōs. Juon em̧m̧aan rim̧weie kar etan Joseph eaar door Jisōs ilo lōb eo an. Jinen Jisōs, Mary, im Mary Magdalene raar loļo̧k lōb eo.
Jedede
Ānbwinnin Jisōs kar door e ilo lōb. Juon dekā kileplep kar likūt ilo im̧aan mejān kōjām eo. Pris nana ro raar kajjitōk ippān Pilate bwe en wōr rilale lōb eo rej jutak inabōjen lōb eo n̄an lale bwe ejjeļo̧k juon en deļo̧n̄e.
Lale Matu 27:57–66.
Jabōt in Ijtō
Jisōs eaar jerkakpeje! Em̧ōn̄ an jerkak jān lōb eo. Juon enjeļ wanlaļ tak jān lan̄ im kar iuunļo̧k dekā eo.
Jisōs eaar jiron̄ rikaļoor ro An n̄an katakin im peptaiji ro jet im kalim̧m̧ūr n̄an pād ippāer aolep iien.
Lale Matu 28.
Pija jān Matthew Reier; itulōn̄, jān tuanmiin̄: Jesus Goes Out to Bethany in the Evening, jān James Tissot; Christ’s Triumphal Entry into Jerusalem, jān Harry Anderson © IRI; Healing of the Blind Man, jān Harry Anderson, courtesy of Pacific Press Publishing, Inc., ejjab maron̄ kapeiki; The Voice from Heaven, jān James Tissot; meļeļe jān Five of Them Were Wise, jān Walter Rane, jouj an Church History Museum; Christ in Gethsemane, jān Harry Anderson © IRI; meļeļe jān The Crucifixion, jān Harry Anderson © IRI; The Burial of Christ, jān Carl Heinrich Bloch, kar kōjerbal kōn mālim eo an the National Historic Museum at Frederiksborg in Hillerød, Denmark, ejjab maron̄ kapeiki; itulaļ: He Is Risen, jān Del Parson