RIJOJOMAR EO Jisōs Kraist
Jān “The Mediator,” Ensign, Māe 1977, 54–56.
Jisōs Kraist, ad Rijojomar, eaar kōļļāik wōņāān eo me jejjab maron̄ kōļļāik bwe jen maron̄ bar rool n̄an mour ippān Jemedwōj Ilan̄.
In jiron̄ kom̧ juon bwebwenato—juon būrabōļ.
Juon iien eaar wōr juon em̧m̧aan eo eaar lukkuun kōņaan juon men. Eaar āinwōt eļapļo̧k an aorōk jān jabdewōt men ilo mour eo an. N̄an kōm̧m̧an bwe en bōk kōņaan eo an, eaar kōm̧m̧ane[bōk] juon m̧uri ļapļap.
Em̧ōj kar kakkōl e kōn kōm̧m̧an jon̄an ļap in m̧uri eo im eļaptata kōn eo ej leļo̧k n̄an e m̧uri, juon eo ej leļo̧k jāān. Bōtaab eaar āinwōt lukkuun in aorōk n̄an e n̄an bōk ta eo eaar kōņaan ilo iien eo wōt. Eaar jeļā emaron̄ in kōļļāik m̧uri eo tok ālik.
Kōn menin eaar jaini juon kooņ. Enaaj kar kōļļāiki aolepen jet iien tok ālik. Eaar jab lukkuun in inepata kake, bwe raan in kōļļāik eaar juon iien eo ettoļo̧k wōt. Eaar wōr ta eo eaar kōņaan kiiō, im bwe eaar men eo eaar lukkuun aorōk.
Rim̧uri eo eaar iien otemjeje ilo ļōmņak eo an, im eaar kōm̧m̧ane juon kōļļā [edik] kiiō im bar kiiō, ļōmņak bwe raan in kōļļā eo [raan eo ej aikuj in kar kōļļāik aolepen jāān eo] ejjamin kar itok.
Jim̧we ak Jouj?
Bōtaab āinwōt an iien otemjej waļo̧, raan eo eaar itok im koņ eo eaar iien kōļļā. M̧uri eo eaar jab lukkuun kōļļāiki. Rileļo̧k m̧uri eo an eaar jedeļo̧k im eaar kōņaan bwe en kōļļaik aolepen.
Innām eaar jab kile wōt bwe rileļo̧k m̧ūri eo an eaar jab wōr wōt ippān kajoor eo n̄an bar bōk [bōk jān] aolep men ko m̧weien bōtaa barāinwōt kajoor eo n̄an likūt e ilowaan kalbuuj.
“Ijjab maron̄ kōļļāik eok, bwe ejjeļo̧k Ippa kajoor eo n̄an kōm̧m̧ane āindein,” ļeo eaar kwaļo̧k.
“Innām,” rileļo̧k m̧uri eo eaar ba, “kōm naaj bōk aolep m̧weiu ko am̧, im kwonaaj etal n̄an kalbuuj. Kwaar errā n̄an mennin. Eaar kālōt eo am̧. Kwaar jaini koņ eo, im kiiō ej aikuj in jerbal.”
“Komaron̄ ke kaitokļo̧k iien eo ak meļo̧kļo̧k m̧uri eo?” rim̧uri eo eaar eowar. “Karōk jet wāween ko n̄an aō dāpij wōt ta eo ewōr Ippa im jab etal n̄an kalbuuj. Em̧ool kwoj tōmak ilo jouj? Kojjamin naaj kwaļo̧k jouj ke?”
Rileļo̧k m̧uri eo eaar uwaak, “Jouj iien otemjej eļap rejet. Enaaj kar jerbal wōt n̄an kwe. Eļan̄n̄e Ij kwaļo̧k jouj n̄an kwe, enaaj kōm̧m̧an bwe in jab kōļļā. Ej jim̧we eo Ij kajjitōk. Kwoj ke tōmak ilo jim̧we?”
“Iaar tōmak ilo jim̧we ke Iaar jaini koņ eo,” rim̧uri eo eaar ba. “Eaar pād ippa ilo tōre eo, bwe Iaar ļōmņak enaaj kar kejaprok eō. Iaar jab aikuji jouj eo tōre eo ak ļōmņak Inaaj kar aikuj.”
“Ej jim̧we eo me ej eowar bwe kwon kōļļāik koņ eo ak en̄taan kōn kaje eo,” rileļo̧k m̧uri eo eaar uwaak. “Bwe ej kien. Kwaar errā n̄an e, im bwe ej iaļ eo ej aikuj in kōm̧m̧an. Jouj ejjab maron̄ ko̧o̧te jim̧we.”
Ijo erro kar: Juon ej leļo̧k jim̧we, eo juon ej akweļap kōn jouj. Ejjeļo̧k emaron̄ kar anjo [wiin] ijello̧kin ilo jon̄an eo an eo juon.
“Eļan̄n̄e kwojjab meļo̧kļo̧k m̧uri eo, enaaj ejjeļo̧k jouj,” rim̧uri eo eaar eowar.
“Eļan̄n̄e Ij, enaaj ejjeļo̧k jim̧we,” kar uwaak eo.
Kakien ko jim̧or, raar āinwōt, ejjab maron̄ kar jerbal. Ewōr ruo pedped ko indeeo me raar āinwōt jab errā ippān doon. Ejjeļo̧k juon wāween n̄an jim̧we n̄an an lukkuun in kar jerbal im jouj barāinwōt?
Ewōr juon iaļ! Kien jim̧we emaron̄ lukkuun kūrm̧ool im jouj emaron̄ lukkuun in kaitokļo̧k—bōtaab ej aikuj in bar juon. Im kōn menin eaar waļo̧k ilo iien in.
Rijojomar e An
Rim̧uri eo eaar wōr juon m̧ōttan. Eaar itok n̄an jipan̄. Eaar kanooj jeļā kajien rim̧uri eo. Eaar ļōmņak ļeo ebwebwe n̄an an ajeļo̧k e make n̄an kain apan̄ rōt in. Mekarta, eaar kōņaan jipan̄ kōn ke eaar iakwe ļeo. Eaar itok ikōtaerro, jelm̧ae rileļo̧k m̧uri eo, im kar kōm̧m̧ane menin: “Inaaj kōļļāik m̧uri eo eļan̄n̄e kwonaaj kōtļo̧k rim̧uri eo jān koņ eo an bwe en maron̄ dāpij wōt men ko m̧weien im jab etal n̄an kalbuuj.”
Ke rileļo̧k m̧uri eo eaar ļōmņak kōn koņ eo, rijojomar eo eaar kakobaba, “Kwar kajjitōk jim̧we. Men̄e ejjab maron̄ kar kōļļāik eok, Inaaj kōm̧m̧ane. Em̧ōj kar kajokun wōt juon koņ eo im kojjab maron̄ kajjitōk eļapļo̧k. Ejjamin naaj kar jejjet.”
Im kōn menin rileļo̧k m̧uri eo eaar errā.
Innām rijojomar eo eaar oktakļo̧k jan rim̧uri eo. “Eļan̄n̄e Inaaj kōļļāik m̧uri eo am̧, kwonaaj ke bōk eō āinwōt am̧ rileļo̧k m̧uri?
“O, aaet, aaet,” rim̧uri eo eaar jan̄. “Kwar lo̧mo̧o̧ren eō jān kalbuuj im kwaļo̧k jouj n̄an eō.”
“Innām,” rijipan̄ eo [juon eo ej jipan̄] eaar ba, “kwonaaj kōļļāik tok m̧uri eo n̄an n̄a, im Inaaj kōm̧m̧ani koņ ko. Ejjab naaj pidodo, bōtaab enaaj maron̄. Inaaj kōpooj juon iaļ. Kojjab aikuj in etal n̄an kalbuuj.”
Im kōn menin eaar bwe rileļo̧k m̧uri eo en kōļļā n̄an e ilo likieo. Em̧ōj kar jerbal ippān ilo jejjet. Ejjeļo̧k koņ em̧ōj aer kar jorrāān. N̄an e, rim̧uri eo, em̧ōj kar leļo̧k jouj. Kien ko jim̧or raar kūrm̧ool. Kōnke eaar wōr juon rijojomar, jim̧we eaar bōk aolepn ijo an im jouj eaar lukkuun in karbōb.
Rijojomar eo Ad
Kajjojo iaad ej mour ilo juon likjab ilo jetōb, juon m̧uri. Juon raan akauun eo enaaj kilōk, juon koņ aikuj kōm̧m̧an. Ijowōt ke jemaron̄ jab kea kake ilo ad lale kiiō, n̄e raar eo ej itok im iien kilōk eo ejjab ettoļo̧k [epaak], jenaaj reito reitak kōn en̄taan ejjeļo̧k jem̧ļo̧kin n̄an juon , jabdewōt, n̄an jipan̄ kōj.
Im kōn kien indeeo, jouj ejjab maron̄ leļo̧k ijello̧kin n̄e ewōr juon eo ej jim̧or m̧ōņōņō im maron̄ bōk eddo in m̧uri eo ad im kōļļāik wōņaan im karōk koņ ko n̄an lo̧mo̧o̧r eo ad.
Ijello̧kin wōt n̄e ewōr juon rijojomar, ijello̧kin wōt n̄e ewōr juon m̧ōttad, aolepen eddo eo an jim̧we ej aikuj in itok iood. Likieo in aolep kōļļā n̄an aolep jab pokake, jekdoon dik ak jekdoon m̧wilaļ, naaj lukkuun [bōk] jān kōj n̄an ijo eļaptata.
Bōtaab jeļā menin: M̧ool, m̧ool eo aiboojoj, ej kwaļo̧k ewōr juon kain Rijojomar rōt in. “Bwe juon wōt Anij, im jon wōt Ri Kōllaajrak ikōtaan Anij im armej raņ, Eo ej armej, Kraist Jisōs” (1 Timote 2:5). Kōn E jouj emaron̄ likieo in leļo̧k n̄an kajjojo iaad ilo ejjeļo̧k kakkure kien indeeo eo an jim̧we.
Leļo̧k eo an jouj ejjamin make kōm̧m̧an. Enaaj kōn bujen Ippān. Enaaj pād ilo koņ ko An, koņ ko retenwadik An, ko rekoba, juon eo elukkuun aorōk, peptaij kōn tulo̧k n̄an jeorļo̧k jerawiwi ko.
Aolep armej maron̄ kejparok er kōn kien jim̧we, im ilo juon wōt iien kajjojo iaad emaron̄ in leļo̧ n̄an e lo̧mo̧o̧r im kōjeram̧m̧an in kemour an jouj.
Pija jen Dan Burr