M̧ae iien Jej Kweilo̧k Ippān doon
Pāllin Kalōklōk ko, Pāllin Anjo
N̄an n̄an pāllin kalōklōk em̧ōj an erom juon kōkaļļe kōn kea eo an Rilo̧mo̧o̧r eo kōn aolepen metak ko ad reņojak—im maron̄ eo An n̄an kemour er.
O̧kwōj ilo Āne Kwojarjar eo. Ipeļaakim kakkure ko an Capernaum raar alikkar ilo okmeņeņ in ālkin raelep. Eaar juon jikin eo em̧m̧an n̄an pād ie, bōtaab rijiniet eo am im juon menin mour eļap peiin raar epaak raar jim̧or kōm̧m̧an kauwaron̄ron̄ ilo juon iien, im kōļmenļo̧kjeņ eo aō eaar jino ļōmņak.
Ejjab to Iaar jeļā ilo an rijineet eo kar jitōn̄ļo̧k wōjke eo me eaar kallor kōm im eaar lāāj an ba, “Ren ņa etan ‘pāllin kalōklōk’ wōjke.” Iaar reilōn̄ļo̧k n̄an ra ko robrak kōn bōlōk. Erri kar lōklōk ko? Jōbjōb ļo̧k, Iaar kōkōm̧anm̧ōn kanōk laļ tak juon ra jidikdik.
Ijo, ibwilijin bōlōk ko rōuub, Iaar lo lōklōk ko. Māni im maroro, lukkuun ekkan̄ im aitokan wōt addi lep eo aō, rejjab maron̄ kar loi elōn̄ļo̧k jān jet nee ettoļo̧k. Bōtaab jabdewōt eo ej atartar ippān juon iaan ra ko eļap bōlōk ie em̧ool renaaj kar en̄jake metak.
Iaar ļōmņak kōn elōn̄ pija ko em̧ōj Aō loi kōn Rilo̧mo̧r eo ej jutak im̧aan juon jikin ekajet an rikajirere, kōpālpel kōn vine ko rōpiolet im kōņak juon pāllin ejelin̄in̄, em̧ōrā, elōklōk. Ejjab to eaar alikkar n̄an n̄a bwe juon rikōm̧akoko ak ritariņae eaar kōm̧m̧ane pāllin eo emaron̄ kar kōņaan kōjerbal ra maroro ko repidodo aer kob āinwōt ko ilo wōjke eaar pād ilōn̄ū—ejjab kōn ra ko roub, m̧ōrā. Eļapļo̧k alikkar, kōttōpar kōn pāllin eo eaar ejjab wōt n̄an leļo̧k metak bōtaab n̄an kalluki im kajirere kake.
Ilo laļ eo etto juon pāllin eļap bōlōk ie ak wut emaroro—eļaptata kōn būlkōņ laurel eo enno bwiin—eaar ekkā aer leļo̧k n̄an ro rej wiini juon jie im tariņae. Wut in laurel eaar kwaļo̧k jekjek ko an kiin̄ ro im irooj ro. Em̧ool pāllin eo aorōk tata kar jipeed laļ ļo̧k ioon demān Rilo̧mo̧o̧r eo eaar ewōr bōlōk im emaroror ilo kwaļo̧k kautiej n̄an utiej eo etto. Ej juon ļōmņak emaron̄ m̧ool, ejjab juon katak. Bōtaab n̄an n̄a, pijaik ļo̧k eaar bōktok juon jekjek in Pinmuur eo eļapļo̧k an alikkar n̄an kalimjōke: Rilo̧mo̧o̧r eo eaar jeļā kōn būrom̧ōj ko ad, im Ej maron̄ in kemour kōj.
M̧ōttan nuknuk eo kar likūt Ioon eaar juon kōkaļļe in kajirere an irooj. Eaar kalbubuik maao ko im m̧wijm̧wij ko jān kakkure eo Eaar en̄taan jān e. Ilo ejja wāween eo wōt, pāllin eo ewōr bōlōk ie elōklōk eaar waļo̧k āinwōt m̧arm̧ar eo an eo ewiin bōtaab eaar ilo m̧ool ņooj metak eo kar leļo̧k.
Elōn̄ iaad rej bōk metak ko jab loi. Al eo ej katakin bwe “ilo būruwōn kajjojo ajri ewōr inepata ko me rejjab maron̄ loi” (“Lord, I Would Follow Thee,” Hymns, nō. 220). Bōtaab Rilo̧mo̧o̧r eoej loi. E eļap an jeļā kōn metak ko reņojaak. Aolepen kwaļo̧k eo An eaar mour kōn itoklimo eo kōn Pinmuur eo im Jerkakpeje eo. Aaet ro Eaar katakin er im kōjeram̧m̧an er im kemour er raar jab jeļā.
Em̧ool jekdoon rikaļoor ro An make raar pād wōt ilo aer jab kile. Rilo̧mo̧o̧r eo ej lo “m̧ōttan nuknuk ko” im “pāllin ko” etto me rej ņooj būrom̧ōj ko ad jān ro jet. Kōn an kar en̄taan “metak ko im kaentanaan ko im kapok ko kōn aolep kain,” E eobrak kōn jouj im ejeļā ewi wāween jipan̄ kōj n̄e jej door eddo ko ad ilo Neej (lale Alma 7:11–12). Ej an bōkā emaron̄ kemour jekdoon kinej ko rem̧wilaļ im ittiņo. Im pāllin eo Eaar dāpij n̄an kōj em̧ool an eo ewiin.
Christ with Crown of Thorns, jān Carl Heinrich Bloch, kar kōjerbal jān mālim eo an National Historic Museum ilo Frederiksborg ilo Hillerod, Denmark, maron̄ jab kapeiki