Ennaan eo an Būreejtōnji eo Kein Kajuon
E Ejako Ijin, Emōj An Jerkak
Rainin jorrāān in Capernaum rej pād wōt, jikin eo turin lojet, jikin kwaļo̧k eo an Rilo̧mo̧r eo em̧m̧an. Ijin Eaar kwaļo̧k ilo jikin jar ko, kar katain iturin pārijet, im kar kemour ilo im̧ōko.
Ilo jinoin kwaļo̧k eo An, Jisōs eaar bōk juon eoon jān Aiseia: “Jetōb an Irooj Jeova ej iiō; bwe Jeova ear kapit Eō bwe In kwaļo̧k naan ko rem̧m̧an n̄an ro ettā būrueir; ear jilkintok Eō bwe in kūtimi ro e rup būrueir, im kwaļo̧k kōtļo̧k n̄an ro rej mour wōt, im kapeļļo̧k m̧ōn kalbuuj n̄an ro re lukjōk” (Aiseia 61:1; lale bar Luk 4:18)—juon ennaan eo ealikkar kōn juon karōk ekwoajrajr n̄an lo̧mo̧o̧rōn m̧aan im kōrā ro nejin Anij.
Bōtaab kwaļo̧k eo an Jisōs ilo Galilee ejkab kar tōn ijjino. Eo Nejin Armej eaar iien otemjej wōr juon an iien ekajimak n̄an likūt wōt ilo juon bat ņa etan Golgotha.
Kar kalbuuji ilo Jikin Kallib Gethsemane ālkin Kōjota eo Āliktata, kowaan jān rikaļoor ro An, kar em̧m̧ōje, kar kajion̄, im kar kajooke, Jisōs eaar ipeere ium̧win debwāāl eo An eļap n̄an Calvary. Eaar ilo̧k jān anjo n̄an liakeļo̧k, kaen̄taane, im kameje ioon debwāāl eo.
In naan ko an al eo “The Holy City”: (Jikin Kweilo̧k Eo Ekwojarjar)
Mejatoto eo eaar oktak. …
Jibbon̄ōn eo eaar m̧ōļo im kwōj,
Ilo an aelorlor in debwāāl eo kar walōn̄ ļo̧k
Ioon bat eo eajimakeke.1
N̄an kōj Jemedwōj Ilan̄ eaar letok Nejin. N̄an kōj Eo Jeid Erūtto eaar ajeļo̧k mour eo An.
Ilo iien eo āliktata M̧aajta eo emaron̄ in kar oktakļo̧k. Bōtaab Eaar jab. Eaar eļļā ilaļ in aolep men bwe En maron̄ kejparok aolep men ko: Aolep armej, laļ in, im aolep mour me renaaj jolet e.
Ejjeļo̧k naan ilo Laļ an Rikirijin eļap meļeļe in n̄an n̄a jān ko kar kōnono jān enjeļ n̄an Mary Magdalene im Mary eo juon ke rej jan̄ ke raar epaakeļo̧k lōb eo n̄an karreoik ānbwin eo an aer Irooj: “Etke kom̧ij pukōt eo E mour, ippān ro re mej? E jab pād ijin, a em̧ōj An jerkapeje” (Lale Luk 24:2–6).
Kōn ennaan in, ro em̧ōj aer kar mour im kar mej, ro me kiiō rej mou im juon raan renaaj mej, im ro rejjan̄in ļotak im rejjan̄in mej em̧ōj kar lo̧mo̧o̧ren er.
Āinwōt tōprak in anjo eo an Kraist ioon lōb eo, jenaaj aolep jerkakpeje. En̄in ej pinmuur eo an ad. Paul eaar jeje:
“Barāinwōt ewor … ānbwin i lan̄, im ewor ānbwin i laļ, a aiboojoj an ko i lan̄ juon, im eo an ko i laļ ain juon.
“Juon aiboojoj an aļ, im bar juon aiboojoj an allōn̄, im bar juon aiboojoj an iju kaņ; bwe juon ijo e jab āinwōt bar juon iju ilo an aiboojoj.
“Āindein barāinwōt jerkakpeje an ro rej mej” (1 Korint 15:40–42).
En̄in ej aiboojoj eo an celestial me jej pukōte. En̄in ej n̄an pād im̧aan mejān Anij me jej kōņaan n̄an jokwe ie. En̄in ej baam̧le n̄an indeeo me jej kōņaan membōr in.
Kōn E eo eaar kōjoor kōj kajjojo jān mej ejjeļo̧k jem̧ļo̧kin, Ij kam̧ool bwe E ej juon rikaki an m̧ool—bōtaab E eļapļo̧k jān juon rikaki. E ej juon waanjon̄ak an mour weppān—bōtaab E eļapļo̧k jān juon waanjon̄ak. E ej juon taktō ekajoor—bōtaab E eļapļo̧k jān juon taktō. E ej lukkuun Rilo̧mo̧o̧r an laļ in, Nejin Anij, Irooj in Aenōm̧m̧an, Rikwojarjar an Israel, em̧ool jerkakpeje Irooj, eo eaar kwaļo̧k bwe E ej jinoin im jem̧ļo̧kin, bwe E ej mour, bwe E eo kar m̧ane, im bwe E ej ad rijojomar ippān Jemen (lale D&C 110:4).
“Oh, jon̄an lan̄lōn̄ eo jem̧ļo̧k in ej letok: “Ijeļā bwe aō Ripinmuur ej mour!’”2
Kōn menin Ij kam̧ool.
E Jako Ijin, jān Walter Rane, emaron̄ jab kapeiki; Kraist im Mary ilo Lōb eo, jen Joseph Brickey © 2004 IRI
Kōmļeļe jen Steve Kropp