Jen Jikin Mijen eo
Kōkaļļe eo ilo Kōjeram̧m̧an eo Aō
Iaar jerbal ilo Texas Houston South Mijen eo āinwōt eļtōr ej kōnono kajin Spanish. Juon raan eo m̧ōtta im N̄a kar kōļaļļaļ ilo kōjām ko, kajion̄ in pukōt jabdewōt n̄an katakin. Kōm kar itok n̄an juon em̧ eļap ro̧n̄ eo ilo aļaļ poo eo, em̧oor.
Juon lelļap eaar kōpeļļo̧k kōjām eo im karuwaineneik ļo̧k kōm̧. Ijjab jeļā eļan̄n̄e eaar lukkuuun jeļā kar wōn kōm im ta eo kōm kar kōm̧m̧ane, bōtaab eaar kanooj in jouj. Kōm kar jino katakin e katak eo m̧oktata, im me ko raar āinwōt em̧m̧an. Ejjab to eaar aō iien n̄an katakin kōn Joseph Smith im Loļo̧k eo Kein Kajuon. Iaar lale ilo an paotok in turin mejān kōrā eo āinwōt eaar kwaļo̧k an tarpok. Eaar alikkar eaar jab lukkuun in ļoor ta eo Iaar kajion̄ in kōmeļeļeik n̄an e.
Ālkin kajjitōk jet kajjitōk ko kōn ta eo ej kab m̧ōj am kar kōnono kake im kōn ewi jon̄an eo eaar meļeļe, Iaar jino en̄jake inepata bwe eaar jab meļeļe katak eo kōn Loļo̧k eo Kein Kajuon. Eaar juon raan eo aitok, im men eo āliktata juon mijenede ekōņaan ej n̄an an juon jab meļeļe ta eo eļaptata ekōņaan bwe armej en jeļā ej m̧ool
Eaar m̧ōkaj aō en̄jake en̄jake ko aō raar jino oktakļo̧k n̄an illu, juon eoon jān kōjeram̧m̧an in petriak eo aō eaar itok n̄an ļōmņak eo aō. Eaar juon m̧ōttan eo kōn baam̧le eo aō ilju im jekļaj me eaar kapilōk eō n̄an katakin ajri ro nejū ilju im jekļaj katak ko an ko̧jpeļ eo. Ilo an pārokūrāāp eo deļo̧n̄ ilo bōra, Iaar jeļā Jetōb eo eaar jiron̄ eō n̄an katakin kōrā in ettā ilo ejja wāween in wōt Inaaj kar katakin juon ajri.
Iaar jino katak e kōn wāween ko eļapļo̧k aer pidodo im iakwe. Iaar ļōmņak kōn ajri ro nejū make rej jijet ipeļaakin ettōņaak eo reitok n̄an eō, eo jemeer, ilo Aō katakin er kōn Rikanaan Joseph Smith. Eaar kabwilōn̄lōn̄ n̄an lo oktak eo ilo turin mejān liin. Ātiin eaar m̧ōkaj an wallōn̄ļo̧k, im mejān eaar jino romaakļo̧k. Tarpok eo an eaar erom juon eo ekaitoktok limo im kabwilōn̄lōn̄. Ke Iaar kwaļo̧k bwebwenato eo kōn Jemed Ilan̄ im Jisōs Kraist kar waļo̧k ļo̧k n̄an Joseph Smith, dān in kōmjaļaaļ eaar kaobrak mejān im wōtļo̧k ijepāān. Jetōb eo eaar kobrak ruum̧ eo, im inepata eo aō eaar oktakļo̧k n̄an lan̄lōn̄ eļap.
Ijjamin meļo̧kļo̧k en̄jake in. Kiiō Iban kōttar n̄an katakin ejja pedped ko n̄an ajri ro nejū juon raan im en̄jake ejjab lan̄lōn̄ in eļap bar juon alen.
Pija jān Brian Call