Kālōt eo an Niya
Niya eaar ikkure im̧aan m̧weo im̧ōn ke eo enaaj jinen eaar kūr e n̄an deļo̧n̄. “Niya, kwonaaj ke etal n̄an im̧ōn wia eo an greengrocer ro im wia tok jet kerōōt n̄an kōjota?” kōrā eo enaaj jinen eaar kajjitōk.
“Aaet!” Niya eaar ba ilo m̧ōņōņō. Liin eaar kōņaan etal n̄an m̧ōn wia, im eaar kōņaan jipan̄ kōrā eo enaaj jinen.
Niya eaar bōk jāān eo kōrā eo enaaj jinen eaar leļo̧k n̄an e im ilo̧k ilo iaļ eo ļo̧k n̄an m̧ōn wia eo eaar epaak.
“Ij aikuj wiaiki jet kerōōt n̄an kōjota,” Niya eaar jiron̄ ļo̧k rilale m̧ōn wia eo.
Rilale m̧ōņ wia eo eaar likūt kerōōt koilo pāāk eo an Niya im jiron̄ e jete kar wōņāer. Niya eaar leļo̧k n̄an e jāān ko.
“En̄in ej bwe ko am̧,” rilale m̧ōn wia eo eaar ba ke eaar liļo̧k jet jāān n̄an bar e.
Niya eaar kam̧oolol ļeo im jino etetal ļo̧k n̄an m̧weo. Ke eaar etetal ļo̧k, eaar reilo̧k n̄an jāān ko rilale m̧ōn wia eo eaar liļo̧k n̄an e. “Ļeo eaar letok n̄an eō eļap bwe,” liin eaar ļōmņak. “Kiiō Imaron̄ bōk jāān in n̄an n̄an make!”
Bōtaab Niya eaar bōjrak an etetal. “Jema Ilan̄ eban m̧ōņōņō ippa eļan̄n̄e Ij bōk jāān in,” liin eaar ļōmņak. “Ij aikuj in m̧ool ilo naan ko im kōm̧m̧an ko aō.”
Niya eaar oktak likļo̧k im bar rool n̄an m̧ōn wia eo. “Kwar letok eļap jāān n̄an n̄a,” liin eaar jiron̄ ļo̧k rilale m̧ōn wia eo ke liin eaar leļo̧k n̄an e dam̧oļo̧k in jāān ko.
Rilale m̧ōn wia eo eaar bōk jāān ko. “Kwoj juon leddik em̧m̧an,” ļeo eaar ba. Innām eaar likūt jet abōļ ko ilo juon pāāk im kar liļo̧k n̄an Niya. “Kom̧ool kōn am̧ m̧ool. Jouj bōk abōļ kein im m̧ōņōņō kaki ippān baam̧le eo am̧.”
Niya eaar en̄jake okmeņeņ im m̧ōņōņō itulowa ke eaar etetal ļo̧k n̄an m̧weo. Eaar jeļā Jemed Ilan̄ eaar m̧ōņōņō bwe eaar kālōt n̄an m̧ool.
Pija ko jen Louise Parker