Mour ko Rem̧m̧an Kar Kememeji
J. Reuben Clark Jr.: Juon Em̧m̧aan An Menin Letok ko Rejeja
Joshua Reuben Clark Jr. eaar ļoktak ilo Grantsville, Utah, ilo Jeptōm̧ba 1, 1871. Men̄e eaar dik jeļāļo̧kjeņ eo an im eaar jab maron̄ etal n̄an high school, jinen eaar katakin e, im eaar em̧m̧an ippān katak. Eaar kadiwōjļo̧k m̧oktata ilo kūlaj eo an jān University an Utah kōn juon bachelor of science degree im etal wōt im bōk juon an law degree jān Columbia University law school eo ilo New York City.
Būratōr Clark eaar m̧areiki Luacine Annette Savage ilo Salt Lake Tampeļ eo ilo 1898, im raar erom ro jinen im jemen emen ajri.
Lōn̄ an law degree im meletlet, J. Reuben Clark Jr. eaar juon eo ejeļā kōn kakien im jerbal eo an ilo kien jon̄an etan eaar kōm̧man bwe en juon ambassador an U.S n̄an Mexico ilo 1930. Jerbal jab eo eaar jem̧ļo̧k, ijowōt ke, ke Būratōr Clark eaar rejtake āinwōt Rikakipilōklōk eo Kein Karuo n̄an Būreejtōn Heber J. Grant ilo Būreejtōnji eo Kein Kajuon ilo Eprōļ 6, 1933. Men̄e eaar juon pris eutiej ilo tōre eo, eaar jab juon Riutiej an Kabun̄ in. Eaar ekkapit juon Rijilōk ke tok ālik eaar rejtake āinwōt Rikakipilōklōk eo Kein Karuo n̄an Būreejtōn Grant ilo Oktoba 1934. Būreejtōn Clark eaar etal wōt im jerbal āinwōt juon rikakipilōklōk n̄an Būreejtōn George Albert Smith im David O. McKay.
Ibwilijin jipan̄ ko an rellōn̄ n̄an Kabun̄ in, juon eo me ej jutak ej waanjon̄ak in ettā eo eaar kōm̧m̧ane ke David O. McKay eaar erom Būreejtōn an Kabun̄ in. Eaar kūr Būreejtōn Clark n̄an Rikakipilōklōk eo an Kein Karuo. Kōnke Būreejtōn Clark eaar jerbal āinwōt Rikakipilōklōk eo Kein Kajuon ilo Būreejtōnji ko Kein Kajuon im̧aanļo̧k, jet raar ļōmņak eaar inepatak, bōtaab Būreejtōn Clark eaar kōmeļeļeik: “Ilo jerbal eo an Irooj, ejjab ia eo kwoj jerbal ie bōtaab ekōjkan. Ilo Kabun̄ eo an Jisōs Kraist im Armej ro Rekwojarjar ilo Raan Kein Āliktata, juon ej kūr eo me juon eo ej kūr ekkar n̄an, eo kūr eo ejjab kajjitōk kake ak jab bōke.”1
Būreejtōn Clark eaar mej ilo Oktoba 6, 1961.
Būreejtōnji eo Kein Kajuon ilo 1945 (jān ituanmiin̄): J. Reuben Clark Jr., Heber J. Grant, and David O. McKay.
Būreejtōn Clark (ituanmiin̄) ippān Lamont Toronto, mijen būreejtōn.