Naan in Katak an Kōra

Kōttōpar eo an Doulul eo an Kōrā

Katak kōn kein katak in im, n̄e ekkar, ekōnono kake ippān jejtōr ro kom̧ij loļo̧k.Kōjerbal kajjitōk ko n̄an jipan̄ iok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā ro en m̧ōttan eo emourur tata ilo mour eo am make.

Tōmak • Baam̧le • Deeor

Ke būreejtōnji eo am kar kūr m̧oktata kūr, kar letok n̄an kōm jet kein jipan̄ ko kōn bwebwenato eo an Doulul eo an Kōrā. Eļap am kar lukkuun jar im ekkatak kaki, kōņaan jeļā un eo an Doulul eo an Kōrā im ta eo Irooj enaaj kar kōņaan bwe kōmin kōm̧m̧ane. Kōm kar katak bwe uno eo an Doulul eo an Kōrā āinwōt an kar ejaak jān Irooj ej n̄an karōk, katakin, im im̧we jiron̄ ro Nejin n̄an kōpooj er n̄an kōjeram̧m̧an ko an mour indeeo.

N̄an kakūrm̧ool un in an Doulul eo an Kōrā, Irooj eaar kōmaron̄ kajjojo jejtōr ro im doulul eo āinwōt juon wōt n̄an:

1. Kōļapļo̧k Tōmak im Jim̧we ko Ad Make

2. Kōkajoorļo̧k baam̧le ko im m̧ōko.

3. Leļo̧k jipan̄ jān jerbal n̄an Irooj im ajri ro Nejin.

Jemaron̄ kōm̧m̧ane jerbal in ilo wāween eo an Irooj wōt n̄e jej pukōt, bōk, im jerbal ioon m̧adenļo̧k an juon make. Ilo an ejjeļo̧k m̧adenļo̧k an juon make, jejjab maron̄ wejepedik. Eļan̄n̄e jej ron̄jake m̧adenļo̧k an juon make, jejjab maron̄ likjab. Rikanaan Niapi eaar katakin kōj bwe Jetōb Kwojarjar enaaj kwaļo̧k n̄an kōj “aolep men ko [jej] aikuj kōm̧m̧an” (2 Nipai 32:5). Jej aikuj kōm̧m̧an bwe kōj make jen pen wōt im jab ikōōn̄ wōt n̄an ron̄jake ainikien Jetōb eo.

Jejtōr ro, ewōr juon ad jerbal aorōkrōk io jipan̄ kalōk aelōn̄ in kiin̄ eo an Anij im m̧aanjab popo n̄an itok eo an Irooj. Ilo m̧ool, jerbal eo an Irooj ejjab maron̄ kadedeļo̧k ilo an ejjeļo̧k jipan̄ an leddik ro Nejin. Kōnke kōn menin, Irooj ej kōtmene kōj n̄an kōļapļo̧k kijejeto eo ad. Ej kōtmene kōj n̄an kakūrm̧ool un eo an Doulul eo an Kōrā āinwōt eaar jab āinwōt m̧okta.

Julie B. Beck, Būreejtōn eo eļap an Doulul eo an Kōrā Ro.

Jān Jeje ko Rekwojarjar

Duteronomi 6:5–7; Luk 10:30–37; Jemes 1:27; 2 Nipai 25:26; Mosaia 3:12–13

Jān Bwebwenato eo Ad

Ilo kar Juun 9, 1842, kweilo̧k eo an Doulul eo an Kōrā, Rikanaan Joseph Smith eaar katakin jejtōr bwe jukjuk in pād eo aer eaar “ejjab wōt n̄an kejparok rijeram̧ōl, bōtaab n̄an lo̧mo̧o̧ren jetōb ko.”¹ Ennaan in an un eo an ilo jetōb im ilo barāinwōt kanniōk em̧ōj an kwaļo̧k kadkad in Doulul eo an Kōrā ilo aolepen bwebwenato ko an. Ilo 1906 Būreejtōn Joseph F. Smith (1838–1918) eaar katakin: “[Doulul eo an Kōrā] eaar jab wōt n̄an jerbalki menin aikuj ko an rijeram̧ōl, rinan̄inmej im riaikuj, bōtaab m̧ōttan eddo eo an—im m̧ōttan eo eļapļo̧k, barāinwōt—ej n̄an lale menin jipan̄ ilo jetōb im lo̧mo̧o̧r an m̧am̧an ro im leddik ko nejin Zaion; n̄an lale bwe ejjeļo̧k ej kowaane, bōtaab aolep rej kejparok ņae jool, jerata, kajoor ko an marok, im nana ko me rej kōleļn̄o̧n̄ er ilo laļ in.”² Ilo 2001 Eļtōr M. Russell Ballard an Doulul eo an Jōn̄oulruo Rijilōk ro eaar bar āliji, “Aolep jejtōr ro ilo Kabun̄ in me em̧ōj an kar kōm̧m̧ani bujen ko ippān Irooj ewōr an juon eddo ekwojarjar n̄an jipan̄ lo̧mo̧o̧ren jetōb ko, n̄an tōl kōrā ro an laļ in, n̄an kōkajoorļo̧k im̧ōko im̧ōn Zaion, n̄an kalōk aelōn̄ in kiin̄ eo an Anij.”³

Kakeememej ko

1. Joseph Smith, ilo History of the Church, 5:25.

2. Teaching of Presidents of the Church: Joseph F. Smith (1998), 185.

3. M. Russell Ballard, “Women of Righteousness,” Liahona, Tij. 2002, 39.

N̄an riiti kōn juon kōrā eo me eaar juon waanjon̄ak an tōmak im jim̧we an juon make, lale peij 28.

Ta Imaron̄ kōm̧m̧ane?

1. Ta im̧we eo em̧ōj Aō kar bōke n̄an jipan̄ jejtōr ro aō eddōkļo̧k ilo tōmak im jim̧we an juon make im kōkajoorļo̧k baam̧le ko aer im im̧ōko im̧wier?

2. Ekōjkan Aō naaj kōjerbal ennaan in n̄an kōkajoorļo̧k tōmak eo aō im kōļapļo̧k kalim̧m̧ur ko eo aō make n̄an erreo aō make?

N̄an meļeļe ko reļļapļo̧k, etal n̄an www.reliefsociety.lds.org.

Pija kemelele jen Christina Smith