Lipooti Fakasitetisitika ʻo e 2010
Kuo tuku mai ʻe he Kau Palesitenisī ʻUluakí ʻa e lipooti fakasitetisitika ko ʻeni ʻo e Siasí ki he 2010. ʻI heʻene aʻu mai ki he ʻaho 31 ʻo Tīsema 2010, ne ʻi ai ha ngaahi siteiki ʻe 2,896, misiona ʻe 340, vahefonua ʻe 614, pea mo ha uooti mo e kolo ʻe 28,660.
Ko e mēmipasipi fakakātoa ʻo e Siasí ʻi he fakaʻosinga ʻo e 2010 naʻe feʻunga mo e toko 14,131,467.
Naʻe toko 120,528 e fānau foʻou ʻo e lekōtí ʻi he Siasí, pea mo ha kau papi ului ʻe toko 272,814 ʻi he 2010.
Ko e tokolahi ʻo e kau faifekau ngāue taimi kakato naʻa nau ngāue ʻi he fakaʻosinga ʻo e taʻú naʻe toko 52,225.
Ko e tokolahi ʻo e kau faifekau ngāue-tokoni ʻa e Siasí naʻe lolotonga ngāué ko e toko 20,813, pea ko e tokolahi ʻo kinautolu ne nofo pē ʻi ʻapi pea uiuiʻi kinautolu ke nau tokoni ʻi he ngaahi ngāue kehekehe ʻa e Siasí.
Ne fakatapui ha ngaahi temipale ʻe fā lolotonga e taʻú: ko e Temipale Venikuva Pilītisi Kolomupiá ʻi Kānata; Temipale Teleʻa Heila ʻAlesoná ʻi he ʻIunaiteti Siteití, Temipale Sepū Siti Filipainí; mo e Temipale Kievi ʻIukuleiní.
Naʻe toe fakatapui ʻa e Temipale Laʻie Hauaiʻi ʻi he ʻIunaiteti Siteití ʻi he 2010.
Ko e lahi fakakātoa ʻo e ngaahi temipale ‘oku ngāue ʻaki ʻi he māmaní naʻe 134.
Ko e Kau ʻŌfisa Māʻolunga Mālōlō ʻo e Siasí mo e Niʻihi Kehe Kuo Pekia talu mei he Konifelenisi Lahi ʻo ʻEpeleli Kuo ʻOsí.
ʻEletā W. Grant Bangerter, Adney Y. Komatsu, Hans B. Ringger, LeGrand R. Curtis, Richard P. Lindsay, Donald L. Staheli, mo Richard B. Wirthlin, ko ha kau mēmipa mālōlō ʻo e Ngaahi Kōlomu ʻo e Kau Fitungofulú; Barbara B. Smith, Palesiteni Lahi mālōlō ʻo e Fineʻofá; Ruth H. Funk, Palesiteni Lahi mālōlō ʻo e Kau Finemuí; Norma Jane B. Smith, naʻe tokoni ʻi he Kau palesitenisī Lahi ʻo e Kau Finemuí, Helen Fyans, ko e uitou ʻo ʻEletā J. Thomas Fyans, ko ha Taki Māʻolunga mālōlō; Arnold D. Friberg, ko ha tokotaha tā valivali mo tā fakatātā; mo J. Elliot Cameron, ko ha Komisiona mālōlō ʻo e Potungāue Ako ʻo e Siasí.