Faatasi ai ma le tele o tekinolosi malie ua faigofie ona maua, o lea e faigofie ai ona faaalu se taimi tele i ia tekinolosi ae le lava ai se taimi e fai ai gaoioiga taua e pei o le faitautusi, taaalo i fafo, po o le faaaluina o le taimi faatasi ma aiga ma uo. Ua iloa e nisi o a tatou au faitau ma o latou aiga ni auala e faapaleni ai o latou olaga—i le manatuaina e nofo le Agaga i totonu o aiga e fiafia ma maloloina.
Ua matou siiina mai tala o tusitusiga paia ma musika talafeagai i a matou masini faalogologo MP3. E tuu le matou komepiuta i le mea e mafai ona iloa ai e tagata uma. E le matamataina le matou televise ae matou te lei o i le aoga pe seiiloga foi e uma a matou meaaoga ma feau i le afiafi. Ua polokaina nisi o alaata o le matou televise ina ia le matamata lava i ai. Nai lo le matamataina o le televise, matou te taaalo i fafo, fesoasoani i le togalaau, pe taaalo faatasi i taaloga laupapa. A paleni o matou olaga, e sili atu ona filemu ma toafilemu o matou aiga.
Sarah, Steven, Christie, ma Jason L.; e 7, 15, 20, ma 18 tausaga; Kuiniselani, Ausetalia
I totonu o lo matou aiga e aumai ai a matou “Pepa [e ono] mo le TV” i le amataga o le vaiaso. E tasi le pepa e tutusa ma se itula e tasi e matamata ai le televise. I le pito i tua o pepa taitasi, e i ai se lisi o mea e tatau ona matou faia muamua ona faatoa faafoi atu ai lea o se pepa, e pei o le tapenaina o o matou potu, faauma a matou meaaoga, ma le faia o isi feau. Nai lo le faaaogaina o tekinolosi i taimi uma, matou te fiafia e faitautusi, taaalo ma le tasi ma le isi i taaloga, ma taaalo i fafo ma a matou uo.
Trevor ma Nicolette C., 10 ma le 13 tausaga, Iuta, ISA
Tasi le Pepa mo le TV
Nai lo le matamata o le televise i taimi uma, matou te fiafia e faitautusi! Ma a uma uma a matou feau ma mama le fale, ona mafai lea ona matou faaaogaina le Initoneti. Matou te faaaogaina se uati e fua ai le taimi matou te faaaluina i le komepiuta.
Ellie, Jared, Ethan, ma Abby H.; e 8, 11, 2, ma le 6 tausaga; Kalefonia, ISA