Tusigāmanatu Konafesi Oketopa
“O le mea ua fai atu ai au le Alii, ua ou fai atu ai lava; … pe fai atu i lo’u lava leo po o le leo o a’u auauna, ua tusa lava ia” (MF&F 1:38).
A o e suesueina le konafesi aoao ia Oketopa 2011, e mafai ona e faaaogaina nei itulau (ma Tusigāmanatu o le Konafesi i lomiga i le lumanai) e fesoasoani ai ia te oe e aoao ma faaaoga aoaoga talu ai nei a perofeta soifua ma aposetolo.
Folafolaga Faaperofeta
“O le aafiaga o le Tusi a Mamona i ou uiga, mana ma le lototele e avea ai ma se molimau mo le Atua ua mautinoa. O aoaoga faavae ma faataitaiga lototoa o i lena tusi o le a siitia ai, taialaina ai, ma faamalosia ai oe.
“O faifeautalai uma o loo folafolaina atu le suafa ma le talalelei a Iesu Keriso o le a faamanuiaina e ala i le taumamafa i aso uma mai le Tusi a Mamona. O matua o loo tauivi e faavae se molimau i le Faaola i le loto o se tamaitiiti, o le a maua le fesoasoani a o latou saili atu mo se auala e aumai ai upu ma le uunaiga a le Tusi a Mamona i totonu o le fale ma olaga uma o lo latou aiga.”
Peresitene Henry B. Eyring, Fesoasoani Muamua i le Au Peresitene Sili, “O Se Molimau,” Liahona, Nov. 2011, 69.
I Tamaitai o le Ekalesia
“Ua faauuina oe mo mea e sili atu nai lo mea e mafai ona e iloa. Ia faaauau ona e alualu i luma i le faatuatua ma le amiotonu patino. Talia le talalelei toefuataiina a Iesu Keriso e avea ma au auala e te ola ai. Opomau i le meaalofa o le malosi i totonu o lenei Ekalesia maoae ma le moni. Faapelepele i le meaalofa o le auauna atu i le faalapotopotoga faamanuiaina o le Aualofa. Ia faaauau ona faamalolosia aiga ma auaiga. Faaauau ona saili ma fesoasoani atu i isi o loo manaomia lau fesoasoani ma le fesoasoani a le Alii.”
Peresitene Dieter F. Uchtdorf, Fesoasoani Lua i le Au Peresitene Sili, “Aua Ne’i Galo A’u” Liahona, Nov. 2011, 123; faaopoopo le faamamafa.
Iloaina mo Oe Lava
“O Iesu Keriso o le Atalii e Toatasi na Fanaua ma o le Alo Pele o le Atua. O Ia o lo tatou Foafoa. O Ia o le Malamalama o le Lalolagi. O Ia o lo tatou Faaola mai agasala ma le oti. O le malamalama aupito taua lenei i le lalolagi, ma e mafai ona e iloaina lenei mea mo oe lava.”
Elder Dallin H. Oaks o le Korama a Aposetolo e Toasefululua, “O Aoaoga a Iesu,” Liahona, Nov. 2011, 93.
O Tali mo Oe
O konafesi taitasi, e tuuina mai ai e perofeta ma aposetolo ia tali musuia i fesili atonu o i ai i tagata o le Ekalesia. Faaaoga lau lomiga o le konafesi pe asiasi ane foi i le conference.lds.org e sue ai tali i fesili nei:
-
O le a le uiga o le faaupuga faapea o i tatou o “fanau o le feagaiga? Tagai Russell M. Nelson, “Feagaiga,” 86.
-
Aisea e tutupu ai mea leaga i tagata lelei? Tagai Robert D. Hales, “Faatalitali i le Alii: Ia Faia Lou Finagalo,” 71; ma Quentin L. Cook, “O Pese e Le Mafai Ona Latou Usuina,” 104.
-
Aisea tatou te manaomia ai le Tusi a Mamona pe afai o lea ua i ai le Tusi Paia e aoao mai ai i tatou e uiga ia Iesu Keriso? Tagai Tad R. Callister, “O Le Tusi a Mamona—o se Tusi mai le Atua,” 74.
-
Pe a ou tauivi ma se faafitauli, e mafai faapefea ona ou iloa le mea e fai? Tagai Barbara Thompson, “Faaaliga Faaletagata Lava Ia ma le Molimau,” 9.
Ata na tusia e Paul Mann; ata na saunia e Les Nilsson, Weston Colton, Derek Israelsen, Craig Dimond, ma Laureni Ademar Fochetto
Faamatalaga mai le O Keriso ma le Tamaitiiti, saunia e Carl Heinrich Bloch; ata na pueina e Emily Leishman