O Se Tusi e Suia ai Olaga

”O le Tusi a Mamona] e mafai ona e latalata atili ai i le Atua nai lo se isi lava tusi. E mafai ona suia ai se olaga mo le lelei. Ou te uunaia outou ia fai le mea sa faia e sa’u soa faifeautalai. Ina ua ia sola ese mai lona aiga a o laitiiti, sa tuu e se tagata se Tusi a Mamona i se pusa na ia aveina i lana sailiga mo se fiafia e sili atu.

“Sa mavae tausaga. Sa ia si’i atu mai lea nofoaga i lea nofoaga i le salafa o le lalolagi. Sa tuua na o ia ma le le fiafia i se tasi o aso ma sa vaaia ai le pusa lea. Sa tumu le pusa i mea sa ia feaveaia. I le taele o le pusa, sa ia maua ai le Tusi a Mamona. Sa ia faitau i le folafolaga na i ai ma faataitai ai. Sa ia iloa e moni. O lena molimau sa suia ai lona olaga. Sa ia maua le fiafia e sili atu nai lo ana miti na faamemelo i ai.

“Atonu e le o faitauina lau Tusi a Mamona i le tele o taimi e tatau ai ona o le tele o ou tiute ma gaoioiga o loo e taulai atu i ai i aso uma. Ou te augani atu ia te outou ina ia e inu soo mai le loloto o ona itulau. Ua i ai i totonu le atoaga o le talalelei a Iesu Keriso, le ala e tasi e toe foi atu ai i le Atua.”

President Henry B. Eyring, Fesoasoani Muamua i le Au Peresitene Sili, “O Se Molimau,” Liahona, Nov. 2011, 70–71.

O fesili e manatunatu loloto i ai:

O le a se mea o i lou olaga atonu o loo natia ai lau kopi o le Tusi a Mamona mai lau vaai?
O le a se mea e mafai ona e faia e faaleleia atili ai lau suesue i le Tusi a Mamona?
O a lesona mai le Tusi a Mamona ua fesoasoani e suia ai lou olaga mo le lelei sili atu?

Mafaufau e tusi ou mafaufauga i se api talaaga pe talanoaina foi ma isi.