Ang Ika-182 nga Tinuig nga Kinatibuk-ang Komperensya Naglakip sa Kausaban sa Pagpangulo sa Seventy, Bishopric, ug Relief Society
“Kitang tanan dili magkapundok og tingub,” miingon si Presidente Thomas S. Monson, Presidente sa Simbahan, sa pangbukas nga sesyon sa ika-182 nga Tinuig nga Kinatibuk-ang Komperensya niadtong Marso 31, 2012, “apan karon duna na kitay kahigayunan nga makaapil niining komperensya pinaagi sa telebisyon, radyo, cable, satellite, ug Internet—bisan sa mga mobile device. Nagkahiusa kita, lain-lain og pinulongan, nagpuyo sa lain-laing lugar, apan tanan usa ra ang pagtuo ug doktrina ug katuyoan.”
Kana nga pahayag tinuod sa sobra sa 100,000 ka mga tawo nga mitambong sa mga sesyon sa kinatibuk-ang komperensya sa Conference Center sa Siyudad sa Salt Lake, Utah, USA, niadtong Marso 31 ug Abril 1—ug sa minilyon nga mitan-aw o naminaw diha sa mga sibya sa TV, radyo, satellite, ug sa Internet. Sa live ug delayed nga mga sibya, ang mga miyembro ug dili miyembro sa tibuok kalibutan makapaminaw sa 94 ka mga pinulungan.
Bisan wala pa gani magsugod ang kinatibuk-ang komperensya, daghang mga miyembro sa Simbahan ang migamit niining teknolohiya sa pagdapit sa uban aron makaapil sa komperensya. Ang bag-ong mga widget, banner, ug info graphic nga gipaila niadtong Marso, anaa sa daghang pinulongan, magpadayon nga maanaa sa seksyon sa Invite Others sa gc.lds.org.
Daghang mga kausaban sa pagpangulo sa Simbahan atol sa sesyon sa Sabado sa hapon; lakip niadtong mga na-release mao ang mga sakop sa Presiding Bishopric ug ang kinatibuk-ang kapangulohan sa Relief Society. Si Elder Steven E. Snow gi-release sa Kapangulohan sa Seventy; 37 ka mga Area Seventy ang gipang-release usab. Alang sa kompletong lista sa mga gipaluyohan ug gi-release, tan-awa sa pahina 27.
Gitawag para sa Presiding Bishopric mao sila si Gary E. Stevenson, Presiding Bishop; Gérald Caussé, Unang Magtatambag; ug Dean M. Davies, Ikaduhang Magtatambag. Gitawag para sa kinatibuk-ang kapangulohan sa Relief Society mao sila si Linda K. Burton, presidente; Carole M. Stephens, unang magtatambag; ug Linda S. Reeves, ikaduhang magtatambag.
Si Elder Richard J. Maynes sa Unang Korum sa Seventy gitawag aron mangalagad sa Kapangulohan sa Seventy.
Gitawag isip sakop sa Unang Korum sa Seventy mao sila si Elder Larry Echo Hawk, Elder Robert C. Gay, ug Elder Scott D. Whiting. Gitawag gikan sa Ikaduhang Korum sa Seventy ngadto sa Unang Korum sa Seventy mao sila si Elder Craig A. Cardon ug Elder Stanley G. Ellis.
Sila si Bishop H. David Burton ug ang iyang mga magtatambag nga kaubang nagserbisyo og sobra sa 16 ka tuig sa Presiding Bishopric. Samtang adunay mga Presiding Bishop nga nakaserbisyo nga mas dugay, apan walay Presiding Bishopric nga kaubang nagserbisyo sama nila kadugay.
Basaha ang mga biography niadtong bag-ong gitawag sugod sa pahina 135.
Sa komperensya, daghang mga kausaban sa pagpangulo sa Simbahan ang gihimo atol sa sesyon sa Sabado sa hapon; lakip niadtong mga gitawag mao ang mga sakop sa Presiding Bishopric ug ang kinatibuk-ang kapangulohan sa Relief Society. Si Elder Richard J. Maynes gitawag para sa Kapangulohan sa Seventy; 40 ka mga Area Seventy gitawag usab.
Credit: ???