Audio ug Video Balik sa Tuig 1971 Gidugang sa Conference Archives
Sa paningkamot nga maka-akses ang mga miyembro sa tambag nga gipamulong sa kanhi ug sa bag-ong mga propeta ug apostoles, gidugang sa Simbahan ang audio ug video archives ngadto sa seksyon sa kinatibuk-ang komperensya diha sa LDS.org.
Inig ka Hunyo 2012, ang naa sa internet nga mga archive sa Iningles mopagawas sa audio ug video sa matag kinatibuk-ang komperensya sugod sa Abril 1971 hangtud sa karon. Sa una, mga teksto lamang sa komperensya balik sa tuig 1971 ang aduna; Iningles nga video sa tuig 2002. Ug inig ka Hunyo 2012, mobutang ang Simbahan og mga format sa audio ug video sa mga pakigpulong sa komperensya sugod sa tuig 2008 sa kapin sa 70 ka dugang nga pinulongan.
“Samtang kadaghanan sa mga miyembro sa Simbahan moadto sa seksyon sa kinatibuk-ang komperensya sa LDS.org aron mobasa, motan-aw, ug maminaw sa pinakabag-ong mga pakigpulong, daghang miyembro ang interesadto usab nga maka-akses sa nangaging komperensya,” miingon si Elder Patrick Kearon sa Seventy. “Ang tuyo niini nga inisyatibo mao ang dali nga ma-akses sa mga miyembro ang mga mensahe sa komperensya sa Simbahan sa tibuok kalibutan.”
Ang Simbahan midugang usab sa musika diha sa mga archive sa komperensya. Karon, ang mga miyembro makapaminaw sa Mormon Tabernacle Choir sugod 2008 pinaagi sa pag-klik sa Show Music ibabaw sa seksyon sa matag komperensya diha sa LDS.org. Ang bag-o nga archive sa musika (GCmusic.lds.org) mahimo nga pangitaon agi sa dinaghang archives ug mga komperensya.
Giplano na ang paghimo sa mga archive nga ma-akses dili lamang pinaagi sa LDS.org apan usab sa mga mobile apps sa Simbahan, sama sa Gospel Library app, ug ubang pamaagi, lakip sa Mormon Channel sa Roku ug YouTube.
Ang musika gikan sa tanang sesyon sa komperensya sugod sa tuig 2008 mapaminaw na sab karon o ma-download gikan sa GCmusic.lds.org.