Bishop Gary E. Stevenson

Presiding Bishop

Si Bishop Gary Evan Stevenson miingon nga siya migahin pag-ayo sa iyang kinabuhi sa pag-obserbar sa importanting mga buhat sa bishop sa tibuok kalibutan. Ang iyang amahan, miingon siya, mao ang “bishop sa batan-on pa ko, ug ang iyang pagserbisyo nakatandog kaayo kanako.”

Sa daghang higayon, pakuyugon siya sa iyang amahan sa pagbisita sa usa sa sobra sa 60 ka mga biyuda nga nagpuyo sa ilang ward. Gikan sa iyang papa, si Bishop Stevenson nakakat-on og mga leksyon sa Kristohanong pagserbisyo ug pag-amuma niadtong nanginahanglan. Kadto nga mga leksyon, siya miingon, makatabang kaniya sa iyang calling isip Presiding Bishop sa Simbahan.

“Ang mga bishop sa Simbahan mao ang tinuoray nakong mga bayani,” siya miingon. “Matag adlaw sila makahimo og ingon niini nga epekto ngadto sa mga miyembro sa Simbahan, ilabi na sa mga bata ug sa mga batan-on.”

Natawo niadtong Agosto 1955 ngadto kang Evan N. ug Vera Jean Stevenson, si Bishop Stevenson nagtubo sa pamilya nga ang mga katigulangan nagagikan sa Utah’s Cache Valley.

Samtang batan-on pa, iyang gidawat ang call nga moserbisyo og misyon sa Japan. Kana nga buluhaton mituhop sa gugma ni Bishop Stevenson para sa Asya ug sa pagpakigbahin sa ebanghelyo nga milungtad sa iyang tibuok kinabuhi.

Human sa iyang misyon, mi-enrol siya sa Utah State University. Didto iyang nahimamat (ug diha-diha dayon nahigugma pag-ayo ni) Lesa Jean Higley. Sila nagminyo niadtong Abril 1979 sa Templo sa Idaho Falls Idaho. Ang magtiayong Stevenson adunay upat ka mga anak nga lalaki.

Si Bishop Stevenson nakaangkon og degree sa business administration ug sa wala madugay mitukod og kompaniya nga may mga kauban [cofounded] ug miserbisyo isip presidente sa kompaniya nga mohimo og mga ekipo sa pag-ehersiyo.

Siya nakaserbisyo og lain-laing mga calling sa Simbahan, lakip ang magtatambag sa stake presidency, bishop, ug presidente sa Japan Nagoya Mission (2004–07). Siya gitawag ngadto sa Unang Korum sa Seventy niadtong 2008 ug nagserbisyo isip magtatambag ug presidente sa Asia North Area.