Mga Mananaog sa International Art Exhibit Gipahibalo, Giablihan ang mga Exhibit
Niadtong Biyernes, Marso 16, 2012, sa pag-abli sa Ika-siyam nga International Art Competition exhibit, ang mga artist sa tibuok kalibutan nagpundok sa pagdawat sa mga ganti sa ilang artwork nga may LDS nga tema.
Ang Merit Awards gihatag alang sa 20 ka artist kansang mga buhat giingon nga “outstanding,” samtang 15 ka artist nakadawat og Purchase Awards, buot pasabut nga ang Church History Museum, nga nagpasiugda sa kompetisyon, mikuha sa ilang hinimo aron himoon nilang koleksyon.
Si Elder Marlin K. Jensen sa Seventy, Church Historian ug Recorder, mitambong ug mihimo og mubo nga pamahayag sa wala pa ihatag ang mga ganti.
Ang art exhibit giablihan niadtong Marso 16, 2012, ug hangtud kini sa Oktubre 14, 2012, didto sa Church History Museum sa Siyudad sa Salt Lake, Utah, USA.
Kining tuiga sa kompetisyon nga, Himoa nga Mahibaloan ang Iyang Kahibulongan nga mga Buhat (D&P 65:4), nakakuha og 1,149 ka sumasalmot sa tibuok kalibutan sa lain-laing paagi, lakip ang pagkulit, tinabas ug ubang mga panapton, art gamit ang papel, ug mga painting. I-display sa museum ang 198 ka mga buhat.
Sigon pa ni Rita R. Wright, Curator of Art and Artifacts sa museum, ang mga gisalmot gihukman sigon sa bili sa pagka-artistic ug pagsunod sa tema. Ang buhat nagpakita sa magkalahi nga paagi ug kultural nga tradisyon nga nagpamatuod sa kahibulungang mga buhat sa Ginoo, miingon siya, ug sagad migamit og mga simbolo sa pagpresentar ug sa pagtudlo.
Sama pananglit, ang Ukraine native Valentyna Musiienko Kyiv Ukraine Temple, nga nakadaog sa Purchase Award, gihimo pinaagi sa colored paper nga ang pipila ka simbolo makita diha sa templo.
Si Brandon Daniel Hearty—nakadawat sa Merit Award nga taga-Alberta, Canada—migamit og oil portrait sa iyang apohan sa tuhod (Lola) nga nagrepresentar sa family history ug mga koneksyon sa henerasyon.
Si Alexandra Gomez Chaves, nga taga-Bogotá, Colombia, miingon nga ang kompetisyon usa ka paagi sa pagpamatuod. Ang iyang gibuhat nakadaog sa Merit Award, Buhi nga Tubig, uban sa tabang sa iyang mama, kinsa namatay sa hapit na unta ablihi ang exhibit.
“Ang mga tawo nga makakita niini nga artwork … makakita nga ang pagpamatuod ni Jesukristo ug Iyang ebanghelyo mao ang tuburan sa buhing tubig,” miingon siya. “Niini nga buhat, ilang makita ang bug-os nga gugma nga ikatudlo sa usa ka mama ngadto sa iyang anak tungod kay kini nga mama mikuha sa pitsel ug mitudlo sa iyang anak sa pagtudlo sa ebanghelyo.”
Ang pagtan-aw sa mga exhibit walay bayad, ug ang mga manan-aw giawhag sa pagpauban sa ilang pamilya. Mahimong mobotar sila sa paborito nilang buhat, ug ang unom ka Visitors’ Choice Awards ihatag karong Septyembre, basi sa pagbotar sa manan-aw.
Sa dili madugay, ang mga tawo makakita sa mga interbyu sa 11 ka lain-laing mga artist nga miapil sa kompetisyon diha sa Church History website sa Iningles. Ang mga video ipasalida usab sa museum.
Ang Church History Museum nagplano usab og exhibit ginamit ang internet diha sa history.lds.org/artcompetition.
Alang sa dugang nga impormasyon kabahin sa exhibit, bisitaha ang history.lds.org o tawag sa 801-240-4615.
Akong Isangyaw Ngadto ang Ilang mga Pulong (si Jacob ang Magtutudlo), ni Elspeth Caitlin Young, Estados Unidos
Ang art sa maayong kabubut-on sa Church History Museum
Matriarch, ni Brandon Daniel Hearty, Canada
Ang art sa maayong kabubut-on sa Church History Museum