Elder Scott D. Whiting

Sa Seventy

Si Elder Scott Duane Whiting nagtuo nga ang iyang oportunidad sa kinabuhi nga magserbisyo sa Dios nakabase sa pipila ka dagkong mga desisyon.

Natawo niadtong Abril 1961 ngadto nila ni Duane ug Beverly Whiting, si Elder Whiting nagdako sa Siyudad sa Salt Lake, Utah, USA. Siya mibati nga ang una niyang dako nga desisyon mao ang pag-misyon, gisundan sa desisyon kon unsa ka dugay nga moserbisyo. Tungod sa mga sirkumstansya sa panahon, si Elder Whiting makapili sa pagserbisyo og 18 ka bulan o duha ka tuig. “Ang akong desisyon nga moserbisyo og ekstra nga unom ka bulan nakatabang kaayo nako sa pagserbisyo sa Simbahan sa kaulahian,” siya miingon.

Human og misyon sa Japan Tokyo North Mission, iyang naila-ila ang iyang asawa, si Jeri Olson, pinaagi sa mutual nila nga higala. Ang pagpili sa pagminyo kaniya dili lisud nga desisyon. Sila na-sealed sa Templo sa Salt Lake niadtong Abril 1984.

Human makompleto ang bachelor’s degree sa Japanese sa Brigham Young University, sa wala madugay si Elder Whiting nakaangkon og juris doctorate gikan sa University of the Pacific, McGeorge School of Law.

Lain nga dakong desisyon nga gihimo ni Elder Whiting mao ang pagdawat sa call, nga gi-extend ni Elder M. Russell Ballard sa Korum sa Napulog Duha ka mga Apostoles, sa pagserbisyo isip bishop. Si Elder Ballard nangutana kaniya kon iya bang mabuhat ang iyang mga responsibilidad. Siya mipasalig sa Apostol, ug bisan sa mga oportunidad sa trabaho nga may dako nga sweldo nga nagkinahanglan nga mobalhin siya, gituman ni Elder Whiting ang iyang saad.

Ang iyang pagserbisyo nakatabang kaniya sa pagpalambo og tinguha sa “pagbisita sa mga balay sa dili kaayo aktibo nga mga miyembro ug pagtabang kanila sa pagbag-o ug paghimo og mga pakigsaad ngadto sa Dios.”

Ang magtiayong Whiting adunay lima ka anak. Sa wala pa ang iyang call sa Unang Korum sa Seventy, siya nagtrabaho sa kompaniya sa real estate investment sa Hawaii. Si Elder Whiting nakaserbisyo isip elders quorum president, bishop, high councilor, stake Young Men president, stake president, ug Area Seventy.