Elder Robert C. Gay

Sa Seventy

Sa iyang mga buluhaton sa Simbahan, si Elder Robert Christopher Gay kanunay namulong sa mensahe ni Jesukristo isip “ebanghelyo sa pagluwas.”

“Kana mao ang among nakita ug nasinati sa among kinabuhi,” miingon si Elder Gay, nagpasabut sa iyang kaugalingon ug sa iyang asawa, si Lynette Nielsen Gay. “Kami nagsimba sa Dios sa kaluwasan: sa espiritwal, pisikal, mental, ug emosyonal. Pinaagi sa Pag-ula ni Kristo, ang tanan natong palas-anun mapagaan. Pinaagi Kaniya, kita makakaplag og kalig-on, kalinaw, ug grasya nga gikinahanglan sa paglahutay sa mga pagsulay sa kinabuhi ug makabalik sa atong Langitnong Amahan.”

Si Elder Gay makatagamtam pag-ayo sa tawhanong pagserbisyo, diin siya ug si Sister Gay napalanginan nga makabuhat niini, sa gawas sa nasud ug duol sa ilang balay. Sama pananglit, sa wala pa, ug human sa pagserbisyo isip presidente sa Accra Ghana Mission gikan 2004 hangtud 2007, siya ug si Sister Gay nagtrabaho sa mga balangay sa Africa ug sa ubang mga dapit sa pagtukod og mga eskwelahan ug klinika ug pagtabang sa pagpalambo sa pagbasa ug pagsulat ug mga programa sa micro-loan. Ang mga organisasyon nga ilang gipasiugdahan lakip sa ilang mga kaubanan nakatabang sa minilyon nga mga kabus sa tibuok kalibutan.

Natawo niadtong Septyembre 1951 sa Los Angeles, California, USA, ngadto nila ni Bill ug Mary Gay, siya napaila-ila sa iyang asawa pinaagi sa ilang komon nga higala sa high school, nga ilang napamiyembro sa Simbahan. Sila naminyo sa Templo sa Los Angeles California niadtong Abril 1974 ug adunay pito ka mga anak.

Si Elder Gay nakaangkon sa iyang bachelor’s degree gikan sa University of Utah ug doctorate gikan sa Harvard University, diin nagtudlo usab siya og economics.

Nalakip sa private equity industry sulod sa 25 ka tuig, si Elder Gay internasyonal nga nakatrabaho sa pag-invest ug pagpalambo og mga negosyo.

Sa panahon sa iyang call ngadto sa Unang Korum sa Seventy, siya nagserbisyo isip Area Seventy sa North America Southeast Area. Dugang pa sa pagserbisyo og full-time nga misyon sa Spain niadtong 1971 hangtud 1973, si Elder Gay nagserbisyo isip magtatambag sa bishop, high councilor, high priests group leader, magtutudlo sa Gospel Doctrine, ward mission leader, ug ward Young Men president.