ʻEletā Arnulfo Valenzuela
ʻO e Kau Fitungofulú
Naʻe tupu hake ʻa ʻEletā ʻAunofo Valenisuela ʻi he ngaahi kolonia Māmonga ʻi Suauaá, ʻi Mekisikou, pea ʻosi mei he Akoʻanga ʻa e Siasí ʻi Uālesí. Naʻe ʻoange ʻe heʻene tupu kei siʻi hake aí ha ngaahi faingamālie ke akoʻi ai ha kau tangata mo ha kau fafine faivelenga naʻe līʻoa ki he ongoongoleleí pea mo e tauhi ki he ʻEikí.
Ko e ngaahi meʻa naʻe ako ʻi he feituʻu ʻiloa ko ia ʻo e Siasí ʻi ʻAmelika Latiná ʻe ʻaonga ki ai fakataha mo ʻene fua hono ngaahi fatongia ko e mēmipa ʻo e Kōlomu ʻUluaki ʻo e Kau Fitungofulú.
Naʻá ne pehē, “[ʻOku ou ongoʻi mātuʻaki monūʻia ʻi he uiuiʻi ko ʻeni ke u ngāue taimi kakato ki he ʻEikí.]”
Naʻe fāʻeleʻi ia ʻi Mē 1959 kia Kilipeto mo Losa Valenisuela, pea tohoakiʻi kei siʻi ai ʻa e talavou ko ʻAunofó ki he ngāue ʻa e Siasí. Naʻá ne tali ha ui ʻi heʻene taʻu 19 ki he Misiona Mekisikou Velakulusí. Naʻá ne fakatokangaʻi ʻi he feituʻu fakaʻofoʻofa ko ʻeni ʻo Mekisikoú hono fakafiemālie ʻo e ngāue fakaʻaho ki he ongoongoleleí pea mo e fiefia hono fakaafeʻi ʻo e niʻihi kehé kia Kalaisí.
Taimi nounou pē mei he ʻosi ʻene ngāue fakafaifekaú, kuo ʻaʻahi ki ha fāmili naʻá ne papitaiso pea nau hiki mai ki Mekisikou Siti. Ko e kaungāʻapi ʻo e fāmilí, ʻa Pila Polasi, ko ha taha ului faivelenga ki he Siasí. Ne hoko ʻo kaungmeʻa ʻa ʻAunofō mo Pila peá na kamata teiti. Naʻá na mali ʻi he Temipale Mesa ʻAlesoná ʻi he ʻaho 6 ʻo ʻEpeleli 1982, ʻi ha taimi naʻe hala ai ha temipale ia ʻi hona fonua tupuʻangá.
Kuó na ohi hake ha fānau ʻe toko tolu, mo kei ngāue pē ʻi he Siasí ʻi heʻena vakai ki he hoko ʻa Mekisikou ko ha fonua mahu he temipalé. Naʻá ne pehē, “[Naʻe ʻikai ke ma teitei lavelaveʻiloa ʻe ʻi ai ha temipale ʻe 12 ʻi Mekisikou, mo e taha ʻoku lolotonga langa].”
Lolotonga ʻene kei hoko ko e pīsope, mo e tokoni ʻi he kau palesitenisī fakasiteiki mo e fakamisioná, mo e Fitungofulu Fakaʻēliá, ne siotonu ʻa ʻEletā Valenisuela ʻi he līʻoa fakaofo ʻa ha kāingalotu Mekisikou taʻe-faʻalaua ne nau loto fiemālie ke foaki e meʻa kotoa ne nau maʻú ki he ngāue ʻa e ʻEikí.
Naʻá ne ako ʻo ʻosi mei he ʻUnivēsiti Mekisikou Sití ʻi he Tauhi Tohí mo e Ako ki he Tuʻunga Fakatakí, pea kuo ʻosi ngāue ʻa ʻEletā Valenisuela ʻi ha ngaahi tuʻunga fakapule kehekehe ki ha ngaahi kautaha fakavahaʻa puleʻanga.