ʻEletā Kevin S. Hamilton

ʻO e Kau Fitungofulú

ʻOku pehē ʻe ʻEletā Kēvini Sikoti Hēmilitoni ko iá ko ha “ola ia ʻo e fakaului mo ha fakahaofi.”

Naʻe fakatupu hono fāʻeleʻi ʻi Māʻasi 1955 ʻi Uenatisī, Uāsingatoni, USA, ha ngaahi fehuʻi ʻi heʻene faʻeé ko Kei, ʻo kau ki he ʻuhinga ʻo e moʻuí. Naʻe talanoa mo hano kaungāmeʻa Siasi ko Lisiate Palati, ʻo ne fakafetuʻutaki ia mo e ongo faifekaú.

Naʻe fakamatalaʻi ʻe hono husepāniti ko Nōmani Lāsolo Hēmilitoní, naʻe ʻosi mēmipa ia he Siasí, neongo naʻe māmālohi talu mei heʻene taʻu hongofulu tupú. Naʻe toki mālohi ʻi he Siasí ʻi he taimi ne kau mai ai hono uaifí.

Naʻe pehē ʻe ʻEletā Hēmilitoni, “[Ko ʻeku ongomātuʻá ko ha ongo mēmipa lelei moʻoni naʻá na langa ʻa e tui ʻoku mau maʻu he ʻaho ní.]”

Ka naʻá ne fakamoʻoniʻi ko ʻene ngāue fakafaifekau ki Falanisē mo Suisalaní, naʻá ne liliuʻi moʻoni ʻene moʻuí. Naʻá ne pehē, “Naʻá ne fakatupu ʻiate au ha holi taʻetūkua kuo teʻeki ai toe mole.]”

Naʻe mali mo ha taha fakaʻofoʻofa, ko Kalōtia Keisoa, he ʻaho 27 ʻo Siulai 1978, ʻi he Temipale Losi ʻEniselesí. Lolotonga ʻena ohi hake ʻena fānau ʻe toko onó ʻi Kalefōniá, naʻe hangē honau ʻapí ha senitā takimamatá.

Naʻe pehē ʻe Sisitā Hēmilitoni, “ʻOku nau pehē te ke lava pē ʻo fai ha malanga fakalongolongo ʻi ho ʻapí, pea naʻa mau fokotuʻu takai ha fanga kiʻi foʻi kupuʻi lea ʻi homau falé.” Ko e hūʻanga ki he falé naʻe fokotuʻutuʻu ai ha ʻū Tohi ʻa Molomona, fanga kiʻi tohi Ki Hono Fakamālohia ʻo e Toʻu Tupú, pea mo ha ʻū tohi kehe ʻa e Siasí naʻe toutou fetongi maʻu mai pē ʻi he fetuku ʻe he kau ʻaʻahí.

Kuo hanga ʻe he lotoʻaki ʻe ʻEletā Hēmilitoni ke ngāué ʻo ʻomi ha ngaahi faingamālie ke ne hoko ko ha pīsope, palesiteni fakasiteiki, mo e palesiteni ʻo e Misiona Pelisiume Palāsolo Netalení mei he 2003 ki he 2006. Ki muʻa pea ui ki he Kōlomu hono Ua ʻo e Kau Fitungofulú, naʻe hoko ko e talēkita ʻi he Siasí ki he Fetuʻutaki mo e Kakaí ʻi he Fakatonga ʻo Kalefōniá, ʻoku kau ai ha ngaahi siteiki ʻe 64 ʻi he ʻĒlia Loto Kolo ʻo Losi ʻEniselesí.

Kuó ne fakamoleki e konga lahi taha ʻo ʻene ngāué ʻi he ngaahi fetuʻutakí (telecommunications industry), ʻo toutou hoko ko e ʻōfisa pule (chief executive officer) ʻi he ʻi ai hono mataʻitohi BA mei he ʻUnivēsiti Pilikihami ʻIongí mo e MA mei he ʻUnivēsiti ʻo Uāsingatoní ʻi he pisinisí.