Ngaahi Akonaki Maʻa Hotau Kuongá

ʻE nofotaha e ngaahi lēsoni ʻa e Lakanga Taulaʻeki Faka-Melekisētekí mo e Fineʻofá ʻi he Sāpate hono faá ʻi he “Ngaahi Akonaki Maʻa Hotau Kuongá.” ʻE lava ke teuteu e lēsoní takitaha mei ha malanga ʻe taha pe toe lahi ange ne ʻoatu ʻi he konifelenisi lahi fakamuimuitahá (vakai ki he saati ʻi laló). ʻE ala fili ʻe he kau palesiteni fakasiteiki mo e fakavahefonuá ʻa e ngaahi lea ʻoku totonu ke fakaʻaongaʻí, pe te nau tuku ʻa e fatongiá ni ki he kau pīsopé mo e palesiteni fakakoló. ʻOku fakamamafaʻi ʻe he kau takí ʻa e mahuʻinga ke ako ʻe he kau tangata ʻi he Lakanga Taulaʻeiki Faka-Melekisētekí mo e kau fafine ʻi he Fineʻofá, ʻa e malanga tatau ʻi he Sāpate tatau.

ʻOku poupouʻi atu ʻa kinautolu ʻoku nau omi ki he lēsoni Sāpate faá, ke nau ako pea omi ki he kalasí mo e makasini ʻo e konifelenisi lahi fakamuimuitahá.

Ngaahi Fokotuʻu ki Hono Teuteu ʻo ha Lēsoni mei he Ngaahi Malangá

Lotua ke nofoʻia koe ʻe he Laumālie Māʻoniʻoní ʻi hoʻo ako mo akoʻi ʻa e (ngaahi) malangá. ʻE ʻi ai ha ngaahi taimi ʻe ʻahiʻahiʻi ai koe ʻi hoʻo teuteú ke ke fakaʻaongaʻi ha ngaahi nāunau kehe, ka ko e ngaahi malanga konifelenisí ʻa e nāunau fakalēsoni ʻoku fakangofua atú. Ko ho fatongiá ke tokoni ki he niʻihi kehé ke nau ako mo moʻui ʻaki ʻa e ongoongoleleí ʻo hangē ko ia naʻe akoʻi mai ʻi he konifelenisi lahi fakamuimuitaha ʻa e Siasí.

Mou toe fakamanatu e (ngaahi) malangá ʻo kumi ke ʻiloʻi e ngaahi tefitoʻi moʻoni mo e ngaahi tokāteline te ne feau e ngaahi fie maʻu ʻa e kalasí. Kumi foki ke ʻiloʻi e fanga kiʻi talanoa, fakamoʻoni fakafolofola mo e ngaahi fakamatala mei he (ngaahi) malangá, ʻe tokoni atu ki hoʻo akoʻi e ngaahi moʻoni ko ʻení.

Hiki ha fokotuʻutuʻu ʻo e founga ki hono akoʻi e ngaahi tefitoʻi moʻoní mo e ngaahi tokāteliné. Fakakaukau ke fakakau ai ha ngaahi fehuʻi te ne tokoniʻi ʻa e kau mēmipa ʻo e kalasí:

Fekumi ki he ngaahi tefitoʻi moʻoni mo e (ngaahi) tokāteline ʻi he ngaahi leá.
Fakakaukau ki honau ʻuhingá.
Vahevahe ʻa e mahinó, ngaahi fakakaukaú, ngaahi aʻusiá mo e ngaahi fakamoʻoní.
Fakaʻaongaʻi e ngaahi tefitoʻi moʻoni mo e ngaahi tokāteline ko ʻení ʻi heʻenau moʻuí.

Ngaahi Lēsoni ʻo e Ngaahi Māhiná ʻOku Akoʻí	Nāunau ki he Lēsoni Sāpate Faá
ʻEpeleli 2013–ʻOkatopa 2013	Ngaahi lea ʻoku ʻoatu ʻi he konifelenisi lahi ʻo ʻEpeleli 2013*
ʻOkatopa 2013–ʻEpeleli 2014	Ngaahi lea ʻoku ʻoatu ʻi he konifelenisi lahi ʻo ʻOkatopa 2013*