Elder Kevin S. Hamilton

Sa Seventy

Si Elder Kevin Scott Hamilton mihulagway sa iyang kaugalingon isip “bunga sa pagkakabig ug pag-rescue.”

Ang iyang pagkahimugso niadtong Marso 1955 sa Wenatchee, Washington, USA, nagdala og pangutana sa iyang mama, si Kay, kabahin sa kahulugan sa kinabuhi. Nakigsulti siya sa usa ka LDS nga higala, si Richard Pratt, kinsa mipaila kaniya ngadto sa mga misyonaryo.

Ang iyang bana, si Norman Russell Hamilton, mipasabut nga siya miyembro na sa Simbahan, apan dili aktibo sukad sa batan-on pa siya. Naaktibo siya sa Simbahan dihang nagpamiyembro ang iyang asawa niini.

“Talagsaong miyembro ang akong mga ginikanan kinsa mipalig-on sa pagtuo nga ania namo karon,” miingon si Elder Hamilton.

Apan gipamatud-an niya nga ang iyang pagmisyon sa France ug sa Switzerland ang nakausab gayud sa iyang kinabuhi. “Nagmugna kini kanako og dakong tinguha nga wala gayud mapalong,” miingon siya.

Nagminyo siya sa buotan nga babaye, ni Claudia Keysor, niadtong Hulyo 27, 1978, sa Templo sa Los Angeles. Samtang nagpadako sa unom nila ka anak sa California, ang ilang panimalay sama og usa ka visitors’ center.

“Makaingon sila nga makahimo kamo og walay tingog nga sermon sa inyong panimalay, ug duna kami niining duha ka gagmayng kinutlo libut sa panimalay,” miingon si Sister Hamilton. Ang agianan pasulod sa balay dunay daghang kopya sa Basahon ni Mormon, Alang sa kalig-on sa Kabatan-onan mga booklet, ug ubang mga literatura nga kanunayng pulihan kon makuhaan kini sa mga mobisita.

Ang determinasyon ni Elder Hamilton sa pagserbisyo midala og mga oportunidad sa pagserbisyo isip bishop, presidente sa stake, ug presidente sa Belgium Brussels Netherlands Mission sugod 2003 hangtud 2006. Sa wala pa ang iyang tawag ngadto sa Ikaduhang Korum sa Seventy, siya ang direktor sa Southern California Public Affairs Council sa Simbahan, gilangkuban sa 64 ka mga stake sa Greater Los Angeles Metropolitan Area.

Uban sa bachelor’s degree gikan sa Brigham Young University ug master’s gikan sa University of Washington, sa business, gigahin niya ang kadaghanan sa iyang panarbaho sa telecommunications industry, nagserbisyo sa daghang higayon isip chief executive officer.