Elder Terence M. Vinson

Sa Seventy

Si Elder Terence M. Vinson, bag-ong gitawag ngadto sa Ikaduhang Korum sa Seventy, wala gayud makadungog sa pulong nga Mormon sa wala pa niya mahimamat si Kay Anne Carden sayo sa mga 1970 sa Sydney, Australia. Ang duha maghisgot bahin sa relihiyon ug sa katapusan nagkauyon ra. Sa matag Dominggo, sila motambong sa duha ka simbahan sa pagkabatan-on ni Terence ug sa gamayng branch sa Ang Simbahan ni Jesukristo sa mga Santos sa Ulahing mga Adlaw. Ang usa ka grupo adto mag-abut sa usa ka nindot nga building, ang laing grupo sa inabangan nga luna nga maoy nakuha sa diyutay nga mga Santos sa Ulahing mga Adlaw.

Apan sa kadugayan ang “pagkumpara makaulaw,” ug si Terence nagsugod sa pagpaminaw sa mga diskusyon sa misyonaryo. May daghan siyang pangutana. Dayon, samtang mitambong og komperensya sa stake, iyang gibati ang mensahe sama ka klaro sama nga napamulong na kini. “Kinahanglan kong magpasakop sa Simbahan aron molambo. Ang tanan nakong pangutana natubag,” miingon siya.

Nabunyagan siya pagkasunod nga semana.

Si Terence Michael Vinson natawo sa Sydney, Australia, niadtong Marso 1951 kang John Laurence ug May Therese A. Vinson. Ang iyang papa, kinsa usa ka bombero, misakripisyo aron ang iyang pito ka anak makahuman og eskwela.

Nakaangkon si Elder Vinson og bachelor’s degree sa mathematics ug statistics sa Sydney University ug diploma sa pagka-magtutudlo gikan sa Sydney Teachers College. Nakadawat sab siya og diploma sa financial planning sa Deakin University ug master’s degree sa applied finance gikan sa Macquarie University. Atol sa iyang panarbaho, nainila siya nga magtutudlo sa math, tigtudlo, ug tigtambag sa pinansyal ug nagdumala sa financial planning ug investment firm.

Nagminyo siya ni Kay Anne, ang babaye nga mipaila kaniya sa ebanghelyo, niadtong Mayo 2, 1974, sa Sydney, ug ang magtiayon na-sealed niadtong Agosto 23, 1975, sa Templo sa Hamilton New Zealand; duna silay unom ka anak. Wala kaabut og tulo ka tuig human siya gibunyagan, si Elder Vinson gitawag sa pagka-bishop. Nakaserbisyo sab siya isip presidente sa stake ug isip regional representative ug isip Area Seventy.