Mei Fai e Konifelenisí

Kuo toe mei fakahoko e konifelenisi lahí, ko e taimi ʻoku vahevahe ai e kau taki ʻo e Siasí mo e kāingalotú e folofola ʻa e ʻEikí. Hangē ko e folofola ʻa e ʻEikí, “Neongo pē ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē” (T&F 1:38). Ko ha aʻusia ʻeni mei he konifelenisi lahi ʻo ʻEpeleli 2013:

Konifelenisi ʻi he Tahi ʻo Kālelí

Ne fakatahataha mai ha e toko 60 nai mei he Senitā ʻo e ʻUnivēsiti Pilikihami ʻIongi ʻi Selusalemá Ki he Ako ki he Hahake Ofi Maí (Near Eastern Studies) ki he matāfanga ʻo e Tahi Kālelí ʻi ʻEpeleli kuoʻosí ke mamataʻi e fakataha ʻo e pongipongi Sāpate ʻo e konifelenisi lahí. Ne huluʻi e fakamfola ʻInitaneti fakahangatonu ʻo e fakatahá ʻi ha holisi ʻo ha kiʻi fale tukuʻanga meʻa ne kiʻi mamaʻo siʻi pē mei he vaí. Ne ʻi Kāleli e kau akó ko e konga ʻo ha ʻaʻahi ʻaho ʻe 10 ki he feituʻú ni. Ne nau fakatokangaʻi mo fakamāloʻia e makehe ʻo e meʻa ne hokó.

Ne pehē ʻe Seni Simifisoni, ko e taha ʻo e kau akó ne fakaofo “ke fakahinohinoʻi ʻe he kau palōfita mo e ʻaposetolo ʻo onopōní lolotonga ʻete fakakaukauloto ki hono fakahinohinoʻi ʻe Kalaisi Tonu e kau ʻaposetolo ʻo onoʻahó ʻi he matāfanga tatau.”

Vakai mei he Senitā BYU Selusalemá.

© IRI