Ko e hā ʻa e ngaahi fiemaʻu fakamoʻui lelei ki he ngāue fakafaifekaú?

ʻE lava ʻe he palopalema fakaemoʻui lelei ʻoku lahí pe ngaahi fakangatangata fakafaitoʻó ʻo taʻofi ha kakai ʻe niʻihi mei hono fakahoko lelei honau ngaahi fatongia fakafaifekaú pea te ne uesia kovi e ngāue honau ngaahi hoá foki. Ko e faʻahinga kakai peheé ʻoku ʻikai angamaheni ʻaki ke nau ngāue fakafaifekau. Hangē ko ʻení, ko kinautolu ʻoku fie maʻu sea teketeke pe tokotokó pe ʻikai ke nau lava ʻo fakahoko honau ngaahi fatongia fakaʻahó ʻo taʻe tokoniʻi ʻe ha niʻihi kehé, ʻoku ʻikai fakaongoongoleleiʻi ke nau ngāue fakafaifekau. Pea ko e fuʻu sinó te ne lava ʻo fakatupu ke faingataʻaʻia lahi ha taha ʻi he ngaahi haʻahaʻa fakaʻaho ʻo e ngāue fakafaifekaú, pea mahalo ʻe kole heni ʻe he kau taki lakanga fakataulaʻeikí ki ha niʻihi ke nau fakaholo ki muʻa pea toki fakaongoongoleleiʻi ke nau ngāue. Fekauʻaki mo e tuʻunga moʻui lelei fakalūkufuá, ko e taha ʻo e ngaahi fakahinohinó ʻoku totonu ke ke lava ʻo lue lalo ʻi ha maile ʻe ono (kilomita ʻe 9) ʻi he ʻaho ʻo ʻikai faingataʻaʻia.

Kapau ʻoku ʻi ai haʻo fehuʻi fekauʻaki mo ha taha ʻo e ngaahi meʻá ni, ʻe lava ʻe hoʻo pīsopé pe palesiteni fakakoló ʻo fai atu ha tali mo ha fakahinohino.