Na te mau tamarii apî
Te haamaitai nei Iesu i te mau tamarii rii
No roto mai i te Mareko 10:13–16.
E rave rahi te taata tei haaputuputu mai i pihaʻi iho ia Iesu. Ua hinaaro ratou e faaroo Ia’na ia faati‘a mai i te mau aamu. Ua hinaaro ratou e faaroo Ia’na ia haapii mai i te parau no te raʻi.
Ia pohehia te taata i te maʻi, ua faaora Iesu ia ratou. Ua faaora Oia i te taata eita e tiʻa ia ite. Ua faaora Oia i te taata eita e tiʻa ia faaroo.
I te hoê mahana ua arataʻi mai ra te taata i ta ratou mau tamarii rii no te hiʻo ia Iesu. Ua hinaaro ratou ia horoʻa Oia i te hoê haamaitairaa i ta ratou mau tamarii. Ua parau te mau pĭpĭ a Iesu i te taata e, eiaha e haapeʻapeʻa ia Iesu. Ua feruri ratou e, ua rahi roa Ta’na ohipa.
Aita i rahi roa te ohipa a Iesu. Ua parau oia i te mau pĭpĭ ia vaiiho i te tamarii ia haere mai Ia’na ra. Ua parau oia e, te feia tei hohoʻa i te mau tamarii rii, no ratou hoʻi te basileia o te raʻi ra.
Ua here Iesu i te mau tamarii paatoa. Aita e hiʻoraa e, o vai outou, eaha to outou huru, e aore râ, i hea outou e ora ai. Ua here Iesu ia outou !
Faahohoʻaraa na Shawna J. C. Tenney