Ou te fiafia e faitau i itulau a tamaiti e uiga i soifuaga o perofeta ma Iesu Keriso. E faamalosia ai la’u molimau a o ou faitau i molimau a isi. O Le Liahona e fesoasoani ia te au e filifili le mea sa’o ma tausia tulaga faatonuina a le Ekalesia. E fesoasoani foi ia te au e lagona ai le latalata atili i le Tama Faalelagi.
Camilla K., 11 tausaga, Meleisia i Sisifo
Ailin C., 8 tausaga, Kuatemala
O se tasi aso sa asiasi atu ai la matou Peraimeri i le Malumalu o São Paulo Pasila. Sa sili atu ona matagofie togalaau nai lo soo se isi [togalaau] ua ou vaai i ai. Na matou aoao ai, e ala atu i feagaiga tatou te osia i le malumalu, e mafai ai ona tatou ola ma o tatou aiga i le faavavau. Na saunoa mai le peresitene o le malumalu ia i matou i totonu o le potu faatalitali, lea na matou vaai ai i atavali mananaia. Sa ou maua se lagona mafanafana ma le fiafia, ma sa ta’u mai e lo’u tina ia te au, o le Agaga Paia lea na molimau mai ia te au o mea na ou aoaoina e moni. Sa ou mauaina se molimau o le malumalu o le maota o le Alii.
Renato B., 8 tausaga, Pasila
O Renato ma lona aiga i lona papatisoga
O Mauricio H., 7 tausaga, mai Mekisiko, o loo i ai se naunautaiga ina ia papatisoina, ma ia usiusitai ina ia i ai se aso e mafai ai ona ulufale i le malumalu. O loo taumafai o ia e avea ma se faataitaiga lelei mo lona uso laitiiti, Tanielu.
O Tanielu, 3 tausaga, mai Hong Kong, o le uii i lona aiga. Ua ia te ia se loto tele ma se ataata tele, ma e fiafia o ia e auauna atu i isi. O taimi uma e ofo ai o ia e tatalo i le lotu ma i le fale, ma e fiafia e tutu faatasi ma lona tama ma faafeiloai atu i tagata o le uarota a o lei amataina le sauniga faamanatuga. E fiafia foi o ia e ao tusipese ma faamamā le falesa pe a tuua le lotu. I se tasi aso na ia faia ai se faataitaiga lelei mo lona tina ina ua ia valaauliaina se tamaitiiti laitiiti sa la fetaui a o alu atu i le lotu la te o i le lotu.
Sa fiafia tele tamaiti o le Paranesi a Cayenne, French Guiana, e tuuina atu la latou polokalama a le Peraimeri o le sauniga faamanatuga. Sa latou fiafia e faitau a latou vaega ma sa latou pepese lelei. Latou te fiafia i le Peraimeri. O se tasi o pese latou te fiafia i ai o le “O Au o se Atalii o le Atua” (Viiga, nu. 184).