I le Auala
O Le Nofoaga Lenei!
O mai tatou o e suesue se nofoaga taua i le talafaasolopito o le Ekalesia!
Sa savalivali i le kiona ia Elise ma Kyle H., e 9 ma le 6 tausaga, i magaala o se faatusa o le nuu o paionia i le Aai o Sate Leki, Iuta. E foliga ua la’ua toe foi i tua i vaitaimi o le ogatotonu o le 1800. O le vaitaimi lena sa faamautu ai paionia i le Vanu o Sate Leki. Tatou auai faatasi ma Elise ma Kyle a o la suesueina le Paka o le Tofi o le Nofoaga Lenei, ia iloa ai pe na faapēī le avea ma se tamaitiiti paionia.
Na auina atu e le oti ulu o le taulaga ia lauulu e totoe mai otigalauulu ma tafigalauulu i tagata e faia meataalo e faaaoga o ni lauulu mo pepa meataalo.
O se aiga e toa 12 sa nonofo i le tamai fale paionia lenei. Sa o tamaiti i fafo ma feaei i se apefa’i ina ia oo atu i le avanoa o le taualuga e momoe ai.
A uma a latou feau, sa taaalo tamaiti paionia i a latou meataalo. O le meataalo e sili ona fiafia i ai Kyle o se urosa e te tosoina i luga i ni maea se lua. Sa fesoasoani i tamaiti paionia e aoao ai i le tatauina o susu o povi!
O paionia muamua sa pau mai le latou faigamalaga i sisifo i le 1847. O le taimi muamua na vaai ai Polika Iaga i le Vanu o Sate Leki, sa ia saunoa, “O le nofoaga sa’o lenei.” O le maa faamanatu lenei, sa mamanuina e le atalii o se alo o Polika Iaga, ua faamamaluina ai na paionia lotototoa.
Tai manaia! Sa fiafia foi tamaiti paionia i lole!
Sa masani ona o tamaiti paionia i le aoga i se fale e tasi le potu. O tamaiti o soo se matutua sa faapotopoto i le potu e tasi—e tusa lava pe na latou aoaoina ni mea eseese.