Manatu mo Afiafi Faaleaiga

O lenei lomiga e aofia ai tusiga ma gaoioiga e mafai ona faaaoga mo afiafi faaleaiga. O manatu nei e lua.

“Fesoasoani i Tamaiti ia Iloa le Agaga Paia,” itulau 10: A uma ona toe iloiloina lenei tusiga, mafaufau e fuafua ni gaoioiga faalogologo, fesoasoani vaaia, ma le iloaina o le gaoioi o le tino o le a fesoasoani i lau fanau e aoao le ala e talanoa mai ai le Agaga Paia ia i latou. Atonu e mafai ona e faitaua ma faatino le tala o le Kerisimasi. E mafai ona outou aoao i viiga ma pese o le Peraimeri e uiga i le soifua mai o le Faaola ma faatinoina mo uo ma tuaoi. Atonu e mafai ona outou maimoaina faatasi ia ata o le Faaola pe tuu le ata o le fanau mai o Iesu i se nofoaga e iloagofie e lou aiga. E mafai ona outou fuafuaina se gaoioiga auauna atu faaleaiga. Soo se mea na e filifili e faia, fesoasoani i lau fanau ia iloa pe a ua latou lagonaina le Agaga.

“Avea ma Au Paia Sili ona Lelei e ala i le Aafia i Ekalesia Soofaatasi,” itulau 26: Mafaufau e saili se auala e fesootai ai ma se isi tapuaiga faalelotu i le taimi o lenei vaitau o le Kerisimasi. Atonu o le a e auai faatasi ma se isi aiga Kerisiano e faitau le tala o le Kerisimasi po o le faia o auaunaga. Atonu o le a valaauliaina se aiga mai se faatuatuaga e le Kerisiano e auai atu mo se afiafi faaleaiga ma feauauai i le aoaoina e uiga i talitonuga ma tu ma aga masani o le tasi ma le isi. Mafaufau e talanoaina ma lau fanau pe a mae’a po o a ni upumoni sa latou aoaoina mai au uo.

I Lau Gagana

O loo maua le Liahona ma isi tusi a le Ekalesia i le tele o gagana i le languages.lds.org.