Ko Hono ʻOmi ʻo e Palaimelí ki ʻApí

Naʻe Teuteu ʻe he Tamai Hēvaní ha Founga Ke u Foki Ange ai Kiate Ia

Ako lahi ange ki he taumuʻa ʻo e Palaimelí he māhina ní!

Kimuʻa pea tau omi ki māmaní, naʻa tau nofo ʻi he langí mo ʻetau Tamai Hēvaní pea mo Hono ʻAlo ko Sīsū Kalaisí.

Naʻe fakamatalaʻi ʻe he Tamai Hēvaní ʻEne palani kiate kitautolú. Naʻa tau fili ke muimui he palani ʻa e Tamai Hēvaní ʻo ōmai ki māmani.

ʻOku ʻofa e Tamai Hēvaní ʻiate kitautolu mo finangalo ke tau foki ange kiate Ia. Naʻá Ne fekau mai Hono ʻAlo ko Sīsū Kalaisí, ke fakahinohino mai ʻa e halá mo tokoni ke tau foki ange kiate Ia.

ʻOku tau muimui ʻi he hala ke foki ki he Tamai Hēvaní ʻaki ʻetau:

• papitaiso mo hilifakinimá,

• maʻu ʻa e sākalamēnití,

• fai e ngaahi fuakava fakatemipalé,

• mo moʻui ʻaki e tuí.

Ko e taimi te tau foki ai ki he Tamai Hēvaní, te Ne talitali lelei kitautolu!

Hivá mo e Folofolá

• “Naʻá Ne Fekau Hono ʻAló” (Tohi Hiva ʻa e Fānaú, , 20)

• Sione 3:16

Ngaahi Fakakaukau ki he Pōtalanoa Faka-Fāmilí

ʻOku fakamatalaʻi ʻe he pōpoakí ni e palani ʻa e Tamai Hēvaní ʻi ha founga mātuʻaki mahinongofua. Te ke lava ʻo ʻai ʻa e kau mēmipa ʻo e fāmilí ke nau taufetongi ʻi hono ngāueʻaki e ngaahi fakatātaá ki hono fakamatalaʻi e ngaahi konga kehekehe ʻo e palaní. Hili ia pea te mou lava ke aleaʻi fakataha e founga te mou lava ai ʻo fetokoniʻaki ke mou kei nofo ʻi he hala ʻoku fakatau ki he Tamai Hēvaní.

ʻĪmisi ʻo māmaní © Corbis; toʻo mei he Ko e ʻEiki ko Sīsū Kalaisí, tā ʻe Del Parson; taá naʻe fai ʻe Welden C. Andersen, Cody Bell, Craig Dimond, Matthew Reier, Christina Smith; tā fakatātaaʻi ʻe Steve Kropp

• Ko ha Hala kiate Au