Ko Hono Maʻu ha Fakamoʻoni mei he Laumālie Māʻoniʻoní

Tamala O., Palāsila

Ko e taimi naʻá ku kau ai ki he Siasí ʻi hoku taʻu hivá, naʻá ku ʻosi tui au naʻe moʻoni ʻa e Siasí, peá u pehē ai ʻoku ʻikai toe fie maʻu ke u fehuʻi ki he ʻOtuá pe ʻoku moʻoni. Naʻe kamata ke u veiveiua, ʻi he hili ʻeku hoko ko ha mēmipa ʻi ha ngaahi taʻu siʻi. ʻI heʻeku fanongo ki he himi “Ko e Fua Lotu ʻa Siosefá” (Ngaahi Himi, fika 14) ʻi he lolotonga ha houalotu sākalamēniti ʻe taha, naʻá ku lotu mo kole ki he Tamai Hēvaní pe ʻoku moʻoni ʻa e Siasí pea naʻe mamata moʻoni ʻa Siosefa Sāmita kiate Ia mo Sīsū Kalaisi. Naʻe haʻu ha fakakaukau ki hoku ʻatamaí, ʻio, ʻoku moʻoni ʻa e Siasi ʻo Sīsū Kalaisí, pea ʻio, naʻe mamata ʻa Siosefa ki he ʻOtua ko e Tamaí mo Sīsū Kalaisi. Naʻá ku tangi peá u ongoʻi ʻa e māfana ʻa e Laumālie Māʻoniʻoní ʻi hoku lotó.

Te u lava he ʻahó ni ke fakapapauʻi naʻe fakamoʻoniʻi kiate au ʻe he Laumālie Māʻoniʻoní ʻa e moʻoni ʻo e Siasí ni. ʻOku ou ʻilo naʻe mamata ʻa Siosefa Sāmita ki he Tamai Hēvaní mo Sīsū Kalaisi, pea he ʻikai ke u lava ʻo fakaʻikaiʻi ia. Naʻe ʻomi ʻe he fakamoʻoni ko ení kiate au ha lototoʻa ke vahevahe ʻeku fakamoʻoní mo e niʻihi kehé.