Ko ʻEtau Pēsí

Talu mei heʻeku kei siʻí mo hono akoʻi au heʻeku faʻeé mo ʻeku tamaí fekauʻaki mo e temipalé. ʻOku fuʻu mamaʻo ka ʻoku ou saiʻia ke ō ki ai mo hoku fāmilí. Ko e taimi naʻe silaʻi ai au ki heʻeku ongomātuʻá, naʻá ku toki lava leva ke hū ki loto—ʻoku mātuʻaki fakaʻofoʻofa ʻaupito. Ko ʻemau ō ko ʻeni he taimi ní, ʻoku ou tatali ʻi tuʻa. Ko e taimi te u fuʻu lahi ange aí, te u fakahoko ʻeku ngaahi fuakava ʻaʻakú ʻi he temipalé.

Tēvita V., taʻu 6, Nikalākuá

ʻOku ou ʻilo ʻoku moʻui ʻa Sīsū Kalaisi pea ʻoku ʻofa mai kiate kitautolu takitaha, pea ʻoku ou ʻilo ʻoku moʻoni ʻa e Siasí.

ʻOsilisi M., taʻu 6, Palāsila

Tilisi M., taʻu 8, Palāsila

ʻOku ou manako moʻoni ke hivaʻi ʻa e ngaahi himi ʻo e Siasí mo kau ʻi he ngaahi efiafi fakafāmili ʻi ʻapí mo hoku fāmilí. ʻOku ʻi ai ha ongo ua iiki ange ʻiate au ko Sēleti mo Sēlai, pea ʻoku ou ʻofa lahi ʻiate kinaua. ʻOku ou saiʻia ke tokoni ki heʻeku faʻeé ʻi he taimi ʻoku feimeʻatokoni aí koeʻuhí ko e taimi te u lahi hake aí, ʻoku ou fie feimeʻatokoni lelei hangē ko iá.

ʻAmipā A., taʻu 9, ʻEkuātoa

ʻOku ou saiʻia ke tokoni ki heʻeku faʻeé ʻi he efiafi fakafāmili ʻi ʻapí. ʻOku fie ō homau fāmilí ki he temipalé koeʻuhí ke mau lava ʻo fakataha ʻo taʻengata. Ko e taimi te u tupu ai ʻo lahí, ʻoku ou fie ngāue fakafaifekau hangē ko e tamaiki ʻoku ou tokoua ʻakí. ʻOku ou ʻofa ʻi he Tamai Hēvaní mo e palōfitá, ʻa Palesiteni Tōmasi S. Monisoni. ʻOku ou manako ʻi he hiva Palaimeli “Ko e Siasi ʻo Sīsū Kalaisí.”

Keiti P., taʻu 12, Honitulasi

D. Veni Hiepi, taʻu 11, Kenipōtia

Kuo fakahinohinoʻi au ʻi he ongoongoleleí talu mei heʻeku kei siʻí. Naʻá ku fili ʻi hoku taʻu valú ke u papitaiso. Naʻá ku ako maʻuloto ʻa e ngaahi tefito ʻo e tui ʻe 13 ki he ʻaho makehe ko iá. Ko e taimi naʻá ku ʻalu hake ai mei he vaí, naʻá ku ongoʻi ha faʻahinga meʻa mātuʻaki mālohi. Naʻe talamai heʻeku fineʻeikí ko e haʻu ʻa e ngaahi ongo ko iá mei he Laumālie Māʻoniʻoní. ʻOku ou ʻilo ko Siosefa Sāmita naʻá ne fakafoki mai ʻa e Siasi ʻo Sīsū Kalaisí, ʻoku moʻoni ʻa e Tohi ʻa Molomoná, pea ko Tōmasi S. Monisoní ko e palōfita moʻui.

ʻApikale A., taʻu 8, Sipeini