Ngaahi Fakakaukau Maʻá e Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo e ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. ʻOku ʻoatu heni ha fakakaukau ʻe ua.

“Ko e Teuteu ʻo e Ngaahi Meʻaʻofa ki Ho Fāmili he Kahaʻú,” peesi 46: Hili hoʻo lau e fakamatala ʻa Palesiteni ʻAealingí, fakakaukau ke fakahoko ha fakaʻaliʻali talēniti fakafāmili ʻe lava ke fevahevaheʻaki ai ʻa e ongomātuʻá mo e fānaú ʻi ha talēniti. Ka hili hono maʻu ʻe he taha kotoa ha faingamālie ke vahevahe aí, ʻoku totonu leva ke fakamatalaʻi ʻe he ongomātuʻá ʻa e ngaahi founga ʻoku tāpuakiʻi ai ʻe honau ngaahi talēnití ʻa e fāmilí. Hili ia pea te na toki fakaafeʻi ʻa e fānaú ke nau vahevahe e founga ʻoku tāpuakiʻi ai ʻe honau ngaahi talēnití ʻa e fāmilí—pea mo e founga te nau hanga ai ʻi ha ʻaho ʻo tāpuakiʻi honau ngaahi fāmili ʻi he kahaʻú. ʻE lava ke poupouʻi ʻe he ongomātuʻá ʻa e fānaú ke nau fokotuʻu ha ngaahi taumuʻa ke hoko atu hono fakatupulaki honau ngaahi talēnití.

“Tukupā ʻo e Fuakava Motuʻá,” peesi 74: Fakakaukau ke kamata e tukupā ke lau fakafāmili e Fuakava Motuʻá. Te ke lava ʻo toʻo ʻa e saati valivalí mei he makasiní pe paaki ha tatau mei he liahona.lds.org ke fakaʻilongaʻi ai hoʻo fakalakalaká. Lau mo aleaʻi fakafāmili ʻa e ngaahi potufolofola kuo fokotuʻu atú pea fakakaukau ke fokotuʻu ha palani ke fakakakato ai e tukupā lau fakauike [e folofolá] he taʻu ní.

ʻI Hoʻo Lea Fakafonuá

ʻOku maʻu ʻa e Liahoná mo e ngaahi nāunau kehe ʻa e Siasí ʻi ha ngaahi lea fakafonua lahi ʻi he languages.lds.org.

Tā fakatātā ʻo e laʻitaá ʻe Cody Bell