Ko ha meʻa pau ke ngāue fakafaifekau ʻa e kau talavoú ʻi he hoko pē honau taʻu 18? Pea ʻoku fakalotolahiʻi lahi ange ʻa e kau finemuí he taimí ni ke nau ngāue fakafaifekau ʻi heʻenau lava ko ʻeni ke ō ʻi honau taʻu 19?
Ko e taimi naʻe fakahā ai ʻe Palesiteni Tōmasi S. Monisoni ʻa e liliu ʻi he taʻu ʻe lava ai ha taha ke ngāue fakafaifekaú, naʻá ne pehē, “ʻOku ʻikai ko haʻaku fokotuʻu atu ke fakahoko—pe ʻe totonu—ki he talavou kotoa pē ʻi he taʻu kei siʻi ko ʻení. Ka ʻe fakatatau pē mo e ngaahi tūkunga fakafoʻituituí pea mo hono fakafuofuaʻi ʻe he kau taki lakanga fakataulaʻeikí, ka kuo ʻatā ʻa e faingamālie ko ʻení he taimí ni.1 Fakakaukau ki hoʻo tuʻunga moʻui lelei fakaesinó mo fakaelotó, hoʻo teuteu fakapaʻangá, mo e teuteu fakalaumālié. Te ke lava ʻo talanoa mo e mātuʻá mo e kau taki lakanga fakataulaʻeikí fekauʻaki mo e ngaahi meʻá ni ʻi he taimi e fakakaukauʻi ai e taimi totonu ke ngāué.
Naʻe pehē ʻe Palesiteni Monisoni fekauʻaki mo e kau finemuí, “[ʻOku ʻikai haʻisia ʻa e kau finemuí … ʻi he fekau tatau ke ngāué ʻo hangē ko e kau talavoú.] Neongo ia, ʻoku mau fakamahino atu ki he houʻeiki fafine kei talavou ʻo e Siasí, ʻoku nau fai ha tokoni mahuʻinga ʻi heʻenau hoko ko e kau faifekaú, pea ʻoku mau tali lelei ʻenau tokoní.2