O La’u Lesona i le Faatuatua
I ni nai tausaga ua mavae, sa ou aoaoina ai se lesona o le afiafi faaleaiga i le faatuatua. Sa tele se taimi sa faaaluina e lou aiga e talanoa ai e uiga i le faatuatua ona sa i ai ni fesili a lo’u tuagane matua e uiga i le mafuaaga tatou te manaomia ai le faatuatua. Sa ou totoina se fatu sa ou sefeina mai se meleni i se ipu faiau laitiiti. Sa ou fai atu i lo’u aiga o le faatuatua e pei o se fatu. Afai e te tausia lelei, o le a tupu le fatu.
E le’i faamanuiaina lava i matou i le totoina o ni togalaau. Ae sa ou faamoemoe e mafai ona ou tausia ia ola lenei laau ma e mafai ona avea au ma se faataitaiga lelei o le faatuatua. Sa ou tuuina le ipu i le faamalama, ma tausia lelei ai. Sa ou faatalitali ma tatalo mo la’u fatu ina ia tupu.
Na toetoe lava a ou fiu, ae ina ua mavae se vaiaso sa iu ina ou vaaia se tatupu lanumeamata ua totogo ae. Na tupu i le faamalama mo se isi vaiaso. Ona fesoasoani lea o o’u matua ia te au e sue se nofoaga e toto ai i se togalaau i tuafale.
Sa ou tausia lelei la’u laau. Sa ou faasūsūina ma vele ese vao. Sa tupu pea ma lapoa ma lapoa atili. Sa ou matuai fiafia lava!
Ina ua mavae ni vaiaso, sa ou matauina ni fugalaau, ona amata lea ona totogo ae ni fua laiti. Na matou matamata i ni meleni se fitu o ola i le laau o loo sosolo mai la’u fatu laitiiti e tasi. Ia te au, o se vavega ma se tali i a’u tatalo. Na suamalie le fua, e pei ona ta’u mai i le Alema 32:42: “ona o loufiliga ma lou faatuatua ma lou onosai i le afioga i lona tausiga, ina ia mafai ona mauaa i totonu ia te oe, faauta, e lata le aso o le a e tauina ai lonafua, lea ua sili ona pele, lea ua sili ona suamalie i luga o mea uma ua suamalie.”
O lenei aafiaga na ou matuai fiafia ai lava ma aoaoina ai au ma lo’u aiga o le faatuatua o se mataupu faavae moni o le talalelei a Iesu Keriso.