Auauna Atu o le Au Aposetolo i le Tele o Atunuu

O sui o le Korama a Aposetolo e Toasefululua o loo faaauau pea ona faataunuuina le galuega a le Ekalesia i le lalolagi atoa. I le taimi o ni tofiga talu ai nei:

• Na ofoina atu e Elder Russell M. Nelson ma Elder Neil L. Andersen fautuaga ma taitaiga i le Au Paia i Ausetalia, Niu Sila, Farani Polenisia, Fiti, Niu Kaletonia, Toga, ma Papua Niu Kini. Na saunoa atu Elder Nelson i le manaomia o le faamalosia o aiga, ma sa faamanatu atu e Elder Andersen i tagata ina ia lototetele. I se isi tofiga, sa feiloai atu ai Elder Andersen ma tagata o le ekalesia ma taitai o le nuu i eria o Filipaina lea na faataumaoia e mafuie ma afa o le teropika.

• Na faapaiaina e Elder Dallin H. Oaks le Nofoaga Autu mo le Aoaoina o Faifeautalai i le Aai o Mekisiko. Na ia fautuaina faifeautalai e suesue malosi, ma faapaiaina i latou lava i le Alii.

• Sa ta’u atu e Elder M. Russell Ballard i le Au Paia i le Eria i Saute o Amerika i Saute e faapea “o le aso o atalii ma afafine o Liae ua fuaina mai,” ma ua 4.5 miliona tagata auai ma malumalu e 14 i Amerika i Saute. Ua faataunuuina ai e lenei mea se valoaga na faia e lona tama matua o Elder Melvin J. Ballard (1873–1939) o le a avea Amerika i Saute o se malosiaga i le Ekalesia.

• Ua uunaia e Elder Jeffrey R. Holland ia tagata o le ekalesia i Taiuani ma Hong Kong ia avea le malumalu ma se vaega o o latou olaga e ala i le auai soo latou te mafai ai.

• Sa faamanatu mai e Elder David A. Bednar i le Au Paia o Aso e Gata Ai i Uganda o i latou o paionia i le fausiaina o le Ekalesia i lo latou atunuu. Sa ia faamanatu atu i tagata o le ekalesia i Kenya e uiga i le taua o le faaalia pea lava pea o le alofa i le aiga.

• Na aoao atu e Elder Quentin L. Cook tagata i Amerika Tutotonu e uiga i le taua o le auauna atu i le Atua, i le tasi ma le isi, ma i o latou tuaoi.

Ina ia aoao atili e uiga i le galuega a le au Aposetolo, alu i lds.org/prophets-and-apostles.