Kiʻi Tohi Fakamatala ʻo e Konifelenisi ʻo ʻEpeleli 2014

“ʻIlonga ha meʻa kuó u lea ʻaki ʻe au ko e ʻEikí, kuó u lea ʻaki ia; … neongo pē ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē” (T&F 1:38).

ʻI hoʻo toe vakaiʻi ko ia ʻa e konifelenisi lahi ʻo ʻEpeleli 2014, ʻe lava ke ke fakaʻaongaʻi ʻa e ngaahi pēsí ni (mo e ngaahi Tohi Fakamatala Konifelenisi ʻi he ngaahi makasini he kahaʻú) ke tokoni atu ki hoʻo akó mo hono fakaʻaongaʻi ʻa e ngaahi akonaki fakamuimuitaha ʻa e kau palōfitá mo e kau ʻaposetolo moʻuí mo e kau taki kehe ʻo e Siasí.

Ke lau, mamataʻi, fanongo, pe vahevahe ʻa e ngaahi lea ʻo e konifelenisi lahí, ʻalu ki he conference.lds.org.

Maluʻi mei he Ponokalafí

“Te tau maluʻi fēfē ʻetau fānaú mo e toʻu tupú? … Ko e meʻa sivi lelei taha he māmaní, pea ko e meʻa pē ia ʻe taha ʻe ngāué, ko e meʻa sivi fakatāutaha ʻoku maʻu mei ha fakamoʻoni loloto mo tuʻuloa ki he ʻofa ʻa ʻetau Tamai Hēvaní mo e feilaulau huhuʻi ʻa hotau Fakamoʻuí maʻatatutolú. …

“… Koeʻuhí ko ʻeku ʻilo ʻi he meʻa kuó u aʻusia mo hoku husepānití, kuo pau ke u fakamoʻoni ki he ngaahi tāpuaki ʻo e ako fakaʻaho e folofolá, lotú mo e efiafi fakafāmili fakauike ʻi ʻapí. Ko e ngaahi meʻa mahuʻinga ʻeni ʻoku tokoni ke toʻo ʻa e hohaʻá, tataki ʻetau moʻuí pea maluʻi lahi ange hotau ʻapí”

Linda S. Reeves, tokoni ua ʻi he kau palesitenisī lahi ʻo e Fineʻofá, “Maluʻi mei he Ponokalafí—ko ha ʻApi ʻOku Fakatefito ʻia Kalaisi, Liahona, Mē 2014, 15–17.

Maʻu ha tokoni ki he fakafoʻituituí mo e fāmilí ki hono ikunaʻi ʻo e ponokalafí ʻi he lds.org/go/overcome914.

Ngaahi Tali Maʻaú

ʻOku ʻomi ‘e he kau palōfitá mo e kau ʻaposetoló ʻi he konifelenisi takitaha ʻa e ngaahi tali fakalaumālie ki he ngaahi fehuʻi ʻe lava ke maʻu ʻe he kāingalotu ʻo e Siasí. Fakaʻaongaʻi hoʻo makasini ‘o Mē 2014 pe hū ki he conference.lds.org ke maʻu ha tali ki he ngaahi fehuʻi ko ʻení:

• Te u lava fēfē ʻo taukaveʻi ʻeku tuí ʻi he angalelei mo e manavaʻofa? Maʻu ʻi he lds.org/go/holland914 pe vakai, Jeffrey R. Holland, “Ko e Mahuʻinga—mo e Tāpuaki—ʻo e Tuʻunga Faka-ākongá,” 6.

• ʻE tokoni fēfē ʻa e Fakalelei ʻa Sīsū Kalaisí ke tau hoko ko ha maʻuʻanga tokoni ki hono vahevahe ʻo e moʻoní? Maʻu ʻi he lds.org/go/scott914 pe vakai, Richard G. Scott, “Kuó u Tuku Kiate Kimoutolu ʻa e Fakatātā,” 32.

Ko Hono Faʻu ʻo ha Saati Hala ʻo e Fuakavá ki Ho Fāmilí

“Naʻe tokoniʻi au mo Lesa ʻe he kiʻi ngāue faingofuá ni ke fakalakalaka ʻa homa fatongia fakapēteliaké ʻi hono tokoniʻi e mēmipa taki taha homa fāmilí ʻi he hala ʻo e fuakavá.”—Pīsope Gary E. Stevenson, Pīsope Pule, “Ko Hoʻo Miniti ʻe Faá,” 84.

1. Faʻu ha kōlomu ʻe ua ʻi ha laʻi pepa: “Hingoa” mo e “Palani ki he ouau hono hokó pe ko ia ʻoku fie maʻú.”

2. Hiki ʻa e mēmipa takitaha ʻo e fāmilí ʻoku fie maʻu ke papitaisó, fakanofo ki he lakanga fakataulaʻeikí, maʻu ʻenitaumeni he temipalé, pe silá.

3. Fai e ngaahi fealēleaʻaki fakafāmili, lēsoni efiafi fakafāmili ʻi ʻapí, pe fai ha ngaahi teuteu mahulu ki hono maʻu ʻo e ngaahi ouau mahuʻinga ʻi ho fāmilí.

ʻI laló: Faitā ʻo e sinou ʻe Andrew Park/iStock/Thinkstock; faitā ʻo e matalaʻi ʻakau ʻe neirfy/iStock/THinkstock

• Houngaʻiá

• Ko e Fakaleleí mo e Ngaahi Fuakavá