Teuteu ʻa Matila ki he Kau Finemuí
Naʻe fiefia ʻa Matila ke ʻalu ki he Kau Finemuí, ka naʻe ʻikai ke ne fakapapauʻi pe ko e hā e meʻa te ne aʻusiá. Naʻe talanoa leva ki heʻene kui fefiné. Ko ʻene kui fefiné ko Sisitā Poni ʻOsikāsoni, ko e palesiteni lahi ʻo e Kau Finemuí. Naʻe ʻi ai haʻane ngaahi faleʻi lelei ke vahevahe!
Kole ki hoʻo faʻeé pe kui fefiné pe ko e taha ʻo e kau fafine ʻi ho uōtí pe ko e hā ʻoku nau manatuʻi kau ki he Kau Finemuí. Mahalo te ke ʻilo ai ha ngaahi meʻa fakafiefia.
Pea …
ʻI he taimi naʻe kei ʻi he Kau Finemuí ai ʻa Sisitā ʻOsikāsoní, naʻá ne maʻu ha ngaahi pine ʻi hono fakakakato e ngaahi ngāue kehekehe. Naʻá ne tuitui ia ki ha konga tupenu makehe, fakataha mo ha matalaʻiʻakau ʻokú ne fakafofongaʻi e faivelengá.
… pea ʻi he Taimi ní
ʻE fakamanatu atu ʻe he kahoá ni ke ke hoko ko ha maama ki he niʻihi kehé pea moʻui ʻaki ʻa e moʻoní mo e angatonú.
Te mou maʻu foki e ngaahi loufaú ʻi hono fakakakato ʻo e ngaahi aʻusia mo e ngāue ʻi he Fakalakalaka Fakatāutahá.
Te ke toki maʻu leva ʻa e mētali ʻo e Kau Finemuí.
Kamataʻanga Foʻoú
Naʻe ʻalu ʻa Matila ki ha ʻekitivitī makehe ʻoku ui ko e Kamataʻanga Foʻoú. Ne nau fai ha lēsoni fakafiefia pea ako kau ki he Fakalakalaka Fakatāutahá.
ʻOku ngāue foki ʻa Matila ki heʻene Pale Tui ki he ʻOtuá pea ako maʻuloto e ngaahi Tefito ʻo e Tuí.
Ko ha Manatu Makehe
Naʻe ʻi he Senitā Konifelenisí ʻa Matila mo ha niʻihi tokolahi hono kāingá ʻi he ʻaho 6 ʻo ʻEpeleli 2013. Ka naʻe ʻikai ke nau ʻilo pe ko e hā ne fakaafeʻi ai kinautolu ʻe heʻenau kui fefiné ke haʻu ki he konifelenisi lahí. Naʻa nau ʻohovale pea fiefia ʻi hono fokotuʻu ko e palesiteni ʻo e houalotu e Kau Finemuí!
Kau Finemuí
Fakalakalaka Fakatāutahá
Ngaahi Ngataʻangá ʻe amiloslava/iStock/Thinkstock