Ko Hono ʻOmi ʻo e Palaimelí ki ʻApí
Ne ʻOmi ʻa e “Ko e Fāmilí: Ko ha Fanongonongo ki Māmani” mei he ʻOtuá ke Tokoni ki Hoku Fāmilí
ʻOku nofo ʻa e tokotaha naʻá ne faʻú ʻi ʻIutā, USA.
Ako lahi ange ki he kaveinga ʻo e Palaimelí ki he māhina ní!
ʻOku maʻu ʻe he fānaú ha mālohi lahi—mālohi ke fai ha liliu ʻi he ngaahi fāmilí! ʻOku tatau e fāmili kotoa, ka ʻoku mahuʻinga e fāmili kotoa pē ki he Tamai Hēvaní. ʻOkú Ne finangalo ke mālohi hotau ngaahi fāmilí, ko ia naʻá Ne ʻomai e “Ko e Fāmilí: Ko ha Fanongonongo ki Māmani” ke tokoniʻi kitautolu. ʻOku ʻafioʻi ʻe he Tamai Hēvaní te ke lava ke tokoni ki ho fāmilí ke mālohi.
ʻOkú ke hoko ko ha konga ʻo ha fāmili taʻengata ʻoku nau fie maʻu hoʻo tokoní.
Te ke lava ʻo ʻomai e fiefiá, manavaʻofá mo e ʻofá ki hoʻo fāmilí.
Te ke lava ke fanongo ki he niʻihi kehé, ngāue mo vaʻinga fakataha, fakamolemoleʻi pea fetokoniʻaki.
Te ke lava ke lau mo hoʻo fāmilí e folofolá.
Te ke lava ke hoko ko ha faʻifaʻitakiʻanga lelei ki ho fāmilí ʻi hoʻo lotu mo tauhi e ngaahi fekaú.
Tā fakatātā ʻa Dani Jones; tā ʻo e kapá ʻe iStock/Thinkstock