Ko ʻEtau Pēsí
ʻI he ʻaho ʻe taha, kimuʻa peá u papitaisó, naʻá ku ʻi he ʻapi ʻo ʻeku kui fefiné peá ne ʻalu ki he loki ʻi lalo falé ke ʻomi ha meʻa. Naʻá ne humu ʻo tō pea ʻikai lava ʻo tuʻu. Naʻá ne ui mai, ka naʻá ku sio TV pea ʻikai ke u fanongo ki ai. Hili ha mini ʻe 10, ne ongoʻi ha ui fakalongolongo hoku hingoá, “Tomu!” Ne u ʻalu ʻo fakasio ia pea ʻilo ʻokú ne tokoto he falikí. Naʻe ʻikai ke u mālohi feʻunga ke tokoniʻi ia ke tuʻu, ne u lele leva ki he kaungāʻapí. Naʻe haʻu ha fefine ʻo tokoniʻi ʻeku Kui fefiné ke tuʻu.
Naʻe talamai ʻe heʻeku kui fefiné, “Tomu, ko e Laumālie Māʻoniʻoní ia naʻá ke ongoʻí. Ne u fuʻu mamaʻo ke ke fanongo mai.”
Naʻá ku ʻilo ko e Laumālie Māʻoniʻoní naʻe fanafana maí. Ko ʻeni kuó u papitaiso, pea ʻoku ou fiefa ke maʻu e meʻafoaki ʻo e Laumālie Māʻoniʻoní.
Tomu R., taʻu 8, Siamane
Natalia A., taʻu 10, Kolomupia
ʻOku saiʻia ʻa ʻOlivia I., taʻu 8, mei Lumēniá, ke tokoni ki heʻene faʻeé hono fakamaʻa e falé. Naʻe akoʻi ia ʻe heʻene faʻeé mo e toko 13 ʻo hono kaungāmeʻá, pea ʻi he taimi ʻoku nau kiʻi mālōlō aí ʻokú ne saiʻia ke nau pehē pē ko e faiakó ia. ʻOku saiʻia ke ʻalu mo ʻene mātuʻá ʻo ʻeva ki heʻene ngaahi kuí. ʻI heʻene papitaisó, naʻá ne ongoʻi ofi ange ki he Tamai Hēvaní, pea ʻokú ne houngaʻia ʻoku lava ke ne maʻu e Laumālie Māʻoniʻoní ke tokoniʻi ia ke fai ha ngaahi fili. Ko e hiva Palaimeli ʻoku saiʻia taha aí e “Muimui He Palōfitá” (Tohi Hiva ʻa e Fānaú, 58).
Liu C., taʻu 7, ʻEkuatoa
ʻOku saiʻia ʻa Tili M., taʻu 7, mei Palāsila, ke ʻalu ki he Palaimelí pea hivaʻi e ngaahi himí. ʻOkú ne ʻiloʻi ko e temipalé ko e fale ia ʻo e ʻEikí.
ʻOku ou saiʻia he ʻalu ki he lotú mo hoku fāmilí pea ako kau kia Sīsū Kalaisí. ʻOku ou saiʻia ke lau mo ako e ngaahi talanoa ʻi he folofolá ʻi ʻapi, hivaʻi e ngaahi himí pea fai ha ngaahi keimi ʻi he efiafi fakafāmili ʻi ʻapí. ʻOku tāpuekina ʻe he ongoongolelei ʻo Sīsū Kalaisí hoku fāmilí, pea ʻokú ne ʻai ke u ongoʻi fiefia. Kuó u foaki e Tohi ʻa Molomoná ki he kau faiako ʻe toko tolu ʻi hoku ʻapiakó pea ki he fāmili ʻo hoku kaungāmeʻa mamae ko Maikelí.
Mātimi P., taʻu 6, Potukali