Ngaahi Fakakaukau Maʻá e Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo e ngaahi ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. ʻOku ʻoatu heni ha fakakaukau ʻe ua.

“Hisitōlia Fakafāmilí—ʻOku ou Fai Ia, peesi 58: Fai ha ʻekitivitī tohinoa! Poupouʻi e kau mēmipa ʻo e fāmilí ke nau hiki ha meʻa fekauʻaki mo ʻenau moʻuí—ha manatu ki he ngaahi taʻu kuo hilí pe ko ha meʻa naʻe hoko kiate kinautolu ʻi he ʻaho ko iá. Tokoni ke mahino ki ho fāmilí ʻoku lahi ha ngaahi founga ʻo e tohinoá. Te nau lava ʻo hiki, taipeʻi, pe tā ʻenau fakamatala tohinoá pe ko ʻenau lekooti haʻanau talanoa ʻo ngāue ʻaki e meʻa hiki ongó. Fakalotolahiʻi ho fāmilí ke hokohoko atu hono lekooti maʻu pē ʻenau tohinoá.

“Ko e Ako Lahi Ange ʻo kau ki he Meʻa ʻOku Hanganaki Maí, peesi 64: Fakakaukau ke fakahoko ha ʻekitivitī ʻa e teuteu ngāue fakafaifekaú hangē ko ia ne fai ʻe he uooti ʻi Noaué. ʻE lava ke ke akoʻi e ngaahi meʻa tatau pē naʻa nau faí—hangē ko e founga ke kamata ha fepōtalanoaʻaki ʻo e ongoongoleleí pe ko e founga ke haeane ha sote hina—pe ʻe lava ke ke nofotaha ʻi ha ngaahi pōtoʻi ngāue ʻokú ke pehē ʻe ʻaonga ki he kau mēmipa ho fāmilí ʻi he malaʻe ngāue fakafaifekaú.

ʻI Hoʻo Lea Fakafonuá

ʻOku maʻu ʻa e Liahoná mo e ngaahi nāunau kehe ʻa e Siasí ʻi ha ngaahi lea fakafonua lahi ʻi he languages.lds.org.