iVola i Momani ena 110 na Vosa

Ena kena qai tabaki wale toka ga qo ena vosa vaka-Kosrae, sa vakadewataki rawa kina na iVola i Momani ena 110 na vosa. O Kosrae e dua na yanuyanu ena Federated States of Micronesia.

Sa na vakarau tu na ilavelave tabaki ni iVola i Momani ena vosa vaka-Kosrae ena Julai ni 2015. Na kena tabaki ena kompiuta sa tu ena LDS.org, vakakina ena Gospel Library kei na Book of Mormon mobile apps, ena Maji. Sa tavoca tiko ena gauna oqo na Lotu na itabataba vakompiuta ni ivolanikalou ena gauna vata oqori, sa tabaki tiko kina vakaivola. Oqo sa na totolo kina na kena vakarautaki vei ira na lewenilotu na ivolanikalou vakadewataki vou oqo.

E vicavata tale na ivakadewa vou ni ivolanikalou ena qai kacivaki tiko ena loma ni rua na yabaki mai oqo. E tolu na ivakavakadewa vou ni iVola i Momani kei na lima tale na ivakadewa ni toluenadua (iVola iMomani, Vunau kei na Veiyalayalati, kei na Mataniciva Talei ka tabaki ena dua na ivola) ena tabaki ena 2015 walega. Ena tukuni vei ira na lewenilotu era dau vosataka na vosa oya na gauna sa vakarau kina na kena ilavelave vakompiuta.