Kakaongoran Taian Tua

Atiibun Maninganingan Inaomatan te Aro

Official portrait of Elder Robert D. Hales of the Quorum of the Twelve Apostles, 2003

“Ngkai ti nakonako ni kawain te inaomata n te maiu n tamnei inanon boong ni kaitira aikai, ti riai n ataia bwa kamanenaan inaomatara ni kakaonimaki e boboto iaon karekean inaomatara n te aro. …

“Iai aua maninganingan te inaomata n te aro are ngaira Aomata aika Itiaki ti riai n onimakinna ao ni kamanoa.

“Te moan bon te inaomata ni kakoaua. A na akea ae e na kabuakakaki, kamateaki, ke n ekinakoaki irouia aomata, ke tao te tautaeka bwa ibukin tera teuanne ke neienne e kakoaua taekan te Atua. …

“Te kauoua … bon te inaomata n tibwai ara onimaki ao ara koaua ma tabeman. …

“Te kateniua … bon te inaomata ni karika rabwatan te aro, te ekaretia, n taromauri n te rau ma tabeman. …

“Te kaaua … bon te inaomata ni maiuakina ara onimaki—te inaomata ni kamwakura ara onimaki tiaki tii n te mweenga ao n te umwanabu ma n ana tabo te botanaomata naba.”

Unimwaane Robert D. Hales man te Kooram n Abotoro ake Tengaun ma Uoman, “Kateimatoa te Inaomata n rinerine, Kamanoa Inaomatan te Aro,” Riaona Meei 2015, 112.