Katein Iesu Kristo Aika Mai i Karawa: Te Kakabwarabure ao te Nanoanga

Tataromwaaka ni kamatebwaia te bwai n reirei aei ao n ukoukoria n ataia bwa tera ae ko na tibwauaia. E na kanga ataakin maiun ao ana mwakuri te Tia Kamaiu ni karikirakea am onimaki Irouna ao ni kakabwaiaia naake ko tararuaia rinanon te reirei ni kakawari? Ibukin rongorongona riki tabeua, nakon reliefsociety.lds.org.

Onimaki, Utu, Buoka

Tamnei

Depiction of Jesus and the woman taken in adultery. They are both standing together. The woman is wiping tears from her face.

N atakina ae e a tia Iesu Kristo ni bwaina te kakabwarabure ao te nanoanga nakoira e kona ni buokira ni kakabwarabure ao ni karababa te nanoanga anne nakoia tabeman. “Iesu Kristo bon Ara Banna ni Katooto,” e taku Beretitenti Thomas S. Monson. “Maiuna bon rongorongon te tangira. Te aoraki ae E katoka aorakina; te aomata ae bwainikirinaki E kateirakea; te tia bure ae E kamaiua. N tokina taani iowawa a Ana maiuna. Ao e teimatoa n ongo te bwana man tabukin Korokota taeka: ‘Tamau, ko na kabara aia bure; bwa aki ata ae a karaoia’—te kabanea n rietata n te bwai ae taekinaki n te maiu aei iaon te nanoanga ao te tangira.”¹

Ba ngkana ti kabwara aia bure aomata mai irouia, ao E aki kabara naba ara bure Tamara are i Karawa. E titirakinira Iesu bwa “kam na nanoanga, n ai aron Tamami ngkae E nanoanga naba” (Ruka 6:36). “Te kabwarabure ibukin ara bure e roko ma taekana,” e taku Beretitenti Dieter F. Uchtdorf, Kauoman ni Kauntira n te Moan Beretitentii. “Ti riai n rairi nanora. … Ti tuai ni kabane, n te tai ae ti teuana ke n te taina, n nanorinano ni kawara te kaintekateka n nanoanga ao ni bubuti ibukin te akoi? Ti a tia ni kantaningaia ma korakoran tamneira ni kabane ibukin te nanoanga—ni kabwaraki ara bure man te kairua ae ti a tia ni karaoia ao buure aika ti a tia n rinanoi? … Kariaia Ana Mwakuri ni Kamaiu Kristo bwa e na bita ao ni kamaiua nanom. Itangitangiri imarenami Kabwarabure imarenami.”²

Rakan riki Booki aika Tabu

Mataio 6:14–15; Ruka 6:36–37; Aramwa 34:14–16

Man Koroboki aika Tabu

“Ti riai ni kakabwarabure n aron ae a kabwaraki ara bure,” e taku Unimwaan Jeffrey R. Holland man te Kooram n te Tengaun ma Uoman n Abotoro.³ Karakinan te nati te mwaane ae bakatae e kaoti nakoira itera aika uoua n te kabwarabure: temanna te nati te mwaane e kabwaraki ana bure ao te nati te mwaane are temanna e kekeiaki ni kataia ni kabwarabure.

Te nati te mwaane ae e uarereke riki e anaa ana bwai, ao ni waekoa ni kabanei, ao ngke e a roko te rongo, e mwakuri ni kamwarakeia beeki. E taekinaki ni booki aika tabu “ngke e a manga reke nanona ae wanawana,”e oki nakon mweengana ao e taku nakon tamana e aki riai bwa e na riki bwa natina. Ma tamana e kabwara ana bure ao e tiringa te kaotetei ae kamarikaaki ibukin te amwarake ni baka. Te nati te mwaane are e ikawai riki e oki ni mwakuri man n neia maan ao e rangin n un. E kauringa tamana bwa e a tia n toro irouna n ririki aika mwaiti, n tuai n riaon tua, ao “ko tuai n anganai te kotitetei, ba N na amarake ni kimareirei, ma raou nako.” E kaeka te tama, “Natiu, ko mena i rou n aki toki, ao bon am bwai au bwai ni kabane. E riai bwa ti na amarake ni kimareirei, ao ti na kakatonga: ba e mate tarim aei, ao e a manga maiu; ao e bua ao e a manga reke” (taraa Ruka 15:11–32).