Tera ae Ti Karaoia inanon te Tembora?
Te tembora bon Ana auti te Uea. Ngkana ti rin inanona, ti namakina kaanra ma te Tama are i Karawa ao Iesu Kristo. Ti kona n namakina te Tamnei ae Raoiroi. N te tembora ti karaoi otenanti aika tabu, n aron te bwabetito. Ti karaoi naba berita aika onoti, ke otenanti aika tabu, ma te Tama are i Karawa. Ti kona ni buokiia n anganiia naake a tia ni mate aia tai ni butimwaea te euangkerio. E na riki bwa te bong ae onoti ngkana ai tibwa am moan tai n rin inanona!
Ngkana ko a roko n te 12 te ririki, ko kona ni kaitibo ma am bitiobi ni karekea am beeba ni kariaiakam nakon te tembora. Ngkanne ko a kona n nakon te Tembora ni karaoi taian bwabetito.
Te Taboi ni Bwabetito
Ngkana ko a roko n te 12 te ririki, ko kona ni bwabetito ibukiia aomata ake a tia ni mate ao a tuai ni bwabetitoaki. Te tabo ni bwabetito e toka iaon taian kao are a tei bukin tengaun ma uoman baronga ake i Iteraera.
Te Ruu ibukin te Otenanti
N taian ruu n aron aikai, ti reiakinaki taekan ana babaire te Tama are i Karawa ibukira, ao ti karaoi berita aika tabu ake a na butimwaaira ni manga maeka ma Ngaia. Ti reiakina taekan Karikan te aonaaba, taekan Atam ao Ewa, ao taekan Iesu Kristo. Ti reiakina naba taekan taian kakabwaia ake ti karekei n te maiu are e na roko ngkana ti kakaonimaki.
Te Ruu n te Tiretio
Te Ruu n te tiretio e bon tamaroa! E kauringiira bwa ti na kanga n rau ao ni kukurei ngkana ti maeka ma te Tama are i Karawa ao Iesu Kristo n te bong teuana.
Te Ruu ni Kabaebae
Inanon ruu n aekakin aikai, a kona utu ni kabaeaki ni kabane n aki toki. E nanonaki n aei bwa a kona ni maeka ni kabane n aron te utu ae akea tokina—tiaki n tii te maiu aei.
Te tembora bon ana auti te Atua
Te tabo ibukin te tangira ao te tamaroa.
N na Katauraoi Ngkai I Kairake
Aei tabeu ae tabu.
(“I Tangiria n Noora te Tembora,” Aia Boki n Anene Ataei, 95)
Tamnein ruun te tiretio n Temboran Ogden Utah, te tabo ni bwabetito, ruun te otenanti, ruu ni kabaebae
N RAROA MAN TE ATAI I NUKA: TAMNEI IROUN SUMMER RACHAEL DERRICK; KAMATATAAN TE TAMNEI IROUN BRADLEY CLARK