Bokin te Maungatabu n Eberi 2015
Tera are I a tia n taekinna Ngai te Uea, ao I bon taekinna; … e ngae ngkana boni man bwanaau ke man bwanaaia Au toro, bon tii te arona (D&C 1:38).
Ngkai ko a tia n rinanon te maungatabu ni kabuta ibukin Eberi 2015, ko kona ni kabonganai iteranibaa (ao Booki ibukin rongorongon te maungatabu n taai aika a na roko) ni buokiko ni kamatebwai ao ni kamwakuri reirei ake ai tibwa ngkai mairouia burabeti aika a maiu ao abotoro ao mataniwi n te Ekaretia.
Warekia, mataku, ke kakauongo nakon taian maroro n te maungatabu ni kabuta, kawara conference.lds.org.
Rongorongo aika Kakannato man te Maungatabu
Tera ae e anaaki nanora iai nakon riki te rongorongo ae kakannato? Akana imwiina bon teniua karaki ake a tibwaaki n tain te maungatabu:
-
N te taetae ni kaikonaki ibukin te tia ununiki, aekakin te tano ra ngkoe? Ko na kanga ni kinaa te bitaki anne inanon maium? —Taraa Dallin H. Oaks, “Te Taetae ni Kaikonaki ibukin te Tia Ununiki,” 32.
-
Baikara taneiai aika riinga te nano are e buoka te tina ae ataei n oki nakon ana euangkerio Iesu Kristo? —Taraa Rosemary M. Wixom, “Manga Kamarurungan te Onimaki ngkana e a tia ni Mamaara,” 93.
-
E kanga te rongorongo ae karoko nano ae ibukia taari mwaane aika uoman ni bae ngaroia n oon te marua ae katati ni katamaroa ara atatai ibukin ana Mwakuri ni Kamaiu Iesu Kristo? —Taraa Jeffrey R. Holland, “Ike A Kaitibo iai Te Motiraoi, Te Tangira, ao Te Nanoanga,” 104.